سالفه صارت على واحد من اخوياي

محروم.كوم · #1 11-12-2012, 07:00 AM

صراحه انا زمان مشترك بهالموقع لاكن ماعمري دخلت هالخيمه خيمة السوالف الا قريب والي شجعني سوالفكم وعلومكم الطيبه والفصص الي قريتها والمواقف الطريفه الي توسع الصدر
نرجع لسالفة خوينا يقول زمان وحنا بالبر وتراه ماعرف البر الا وهو كبير شوي حول العشر سنين او اكبر شوي المهم يقول فيه ونيت فرت 64 واقف في سند المراح يقول له مده طويله ماعمر شفت احد جاه او حركه حتى كفراته متثنيه من الوقفه المهم يقول في هاك النهار القايله مدخنه والعالم مقيله والحلال مقيل تحت هاك السدره متجمع حولها يقول ويقردني بليس واركب الفرت واطالع الا المفتاح على السويت يقول وانقره سلف قال ويشتغل من اول دقه يقول واحبس الكلتش واحطه بثنين يقول واعطيه كم دبله لين غيمت مروحته ماعاد اسمع غير سوت بلوفه يقول وانتل رجلي اليسرى عن الكلتش بسرعه قال وهو يقلع عاد هو اعرفه عليه سوالف خبال يقول يوم اقلع الفرت كان وجهه يم البيوت والخيام وماهي بعيد يقول واناظر الا جدي يلاعب رجلينه تحت بيت الشعر منسدح على ظهره ويغني ورجل على رجل وثوبه واصل منادغه يقول والخيمه على يمينه خابرن ابوي نايم فيها وفيه بيت شعر ثاني تحته الجفار والمواعين يقول واحرفه على السدره والغنم واجلد كم راس ولارده الا فند السدره وطفى الموتر يقول فنود الشيره بعضها داخل علي بالغماره وانا ملبد خاش تحت الطاره شوي الا اسمع صوت ابوي عاد ابوه رجال راكد ماهوب عجل يناديه وفاتح باب السواق فلان فلان فلان يقول رديت وقلت نعم قال انت سلمت وانا ابوك يقول قلت اي والله ابشرك سلمت قال لاوالله ماسلمت ولاحولك سلامه ههههه اثر في يسراه مشعاب يقول ويمسكني بقلفتي ويسحبني ويعطيني بالمشعاب لين قلت والي حله قال وينطلني بقلب هاك الشيره سمره نبوت ماهي كبيره ويعطيه كم مشعاب ويتركه المهم جت امه واضهرته يقول سبوع كل ما انقلبت على جنب صحت والعالم شغاله يضهرون الشوك من جنوبه يقول ولاعاد عقبت الفرت عقبها ولاقربت موتر لين توضفت ههه وسلامتكم __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الاسماء صارت دبل (عندي من كل واحد اثنين)	محروم.كوم	منتدى أخبار المواقع والمنتديات العربية والأجنبية	0	07-08-2012 08:30 PM
هااااااام :سالفة صارت لي مع اثنين من اخوياي وأبي الحكم	محروم.كوم	منتدى أخبار المواقع والمنتديات العربية والأجنبية	0	02-22-2012 08:10 PM
واحد ما شاء الله عليه شارب اصطباحة حمار	محروم.كوم	منتدى أخبار المواقع والمنتديات العربية والأجنبية	0	11-08-2011 06:30 AM
صيانة ثلاجات شارب , صيانة شارب 0194419414 شارب للصيانة	محروم.كوم	منتدى أخبار المواقع والمنتديات العربية والأجنبية	0	10-22-2011 05:50 PM
يا أستاذ حسن المشيمع ( خال الكلفس ) واحد ماكل شارب وياك	محروم.كوم	منتدى أخبار المواقع والمنتديات العربية والأجنبية	0	07-28-2009 04:50 AM