|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
السلام عليكم ورحمه الله وبركاته كيف حالكم ان شاء الله بافضل حال بذكر لكم قصتي مع النوم اثناء السفر بأحد الايام كنت مسافر من الكويت لحفر الباطن مسير لربع شروا الوجيه الطيبه وعلي اساس اني اتعلل عندهم وثاني يوم راجع وكنت بيومها صاحي من الفجر وجلسنا وسوالف وعلوم تشرح الصدر وصارت الساعه 12 وانعست حدي مابعدها نعاس وولكن كان في صديق لهم اول مره اشوفه واستحيت اقول نعست وانا دايما الفراش يخلونه لي بالديوان وخويهم مستن بالسالفه علي ماخلص استأذنت قلت ماشي يالربع وين يابوعلي قلت مافي راد الكويت هذي قريبه وتوه الوقت ومسكو فيني لا اجلس تو مازانت العلوم انا بنفسي قلت خل امشي قبل مأطفي مره المهم مشيت وبالطريق ماغير انعس وصلت الجوازات شلون مادري ويوم وصلت نزلت بمحطه البنزين اعبي الموتر وهني بالمحطه خلاص ماعاد اقدر اكمل ولا قادر ارجع انتصفت الطريق وتوهقت ماعاد قادر اكممل من كثر النعاس واتذكر طريقه شفتها برنامج طرق خطره كان يطلع علي قناة ناشينال جرافيك ملتقين مع سايق روسي بسيبريا قالو له شلون تقاوم النعاس وانت تسوق قال لهم عندي خلطه قهوه نسكافيه مع بيبسي هذي مليانه كافين تصحيني قلت لي ماسوي نفسه وادخل السوبر ماركت حقت المحطه واشري نسكافيه وبيبسي بسوي مثل الروسي يمكن يطير النعاس وخلطتهم بكوب كبير ربع الكوب نسكافيه والباقي بيبسي واشرب اول جغمه تقل ضاربني بعجره او مشعاب من قو الطعم الغريب واشرب الثانيه ولا تقل ماحولي نوم ابد وين راحت النومه مادري هههههه واعين من الله خير وادخل الجوازات وانا مبسوط واكمل طريقي وراها بنص ساعه تقل تبي ترد النومه واغشها بجغمه ثالثه ولا الطريق يزين يقولي عط الدعسه وصلت الجهره علي خير الحمدالله علي السلامه يابو علي وصلت اخيرا رحت للفراش بنام ولا ماحولي نوم عيوني مالها نيه ترمش مو بس تغفي واتقلب بفراشي ساعتين ابي انام منا منا ماكو الله يغربلك يالروسي سويت فيني هههههه شق النور وطلعت الشمس يله قدرت انام وهذي سالفتي البسيطه حبيت اشاركم فيها وسامحوني علي الاطاله في امان الله __DEFINE_LIKE_SHARE__ |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
سحاب نجد - راعي شقراء - وسالفه النومه بالحالي في البر والجني | محروم.كوم | منتدى أخبار المواقع والمنتديات العربية والأجنبية | 0 | 08-12-2012 06:10 AM |
عرض خاص ...الخلطه الصابونية السحرية مع هدية | محروم.كوم | منتدى أخبار المواقع والمنتديات العربية والأجنبية | 0 | 10-01-2010 12:50 PM |
وش ذا الخلطه مافيه حيله | محروم.كوم | منتدى أخبار المواقع والمنتديات العربية والأجنبية | 0 | 05-23-2010 09:40 PM |
*&^%$ الخلطه الفعاله لعلاج القمل *&^%$ | محروم.كوم | منتدى أخبار المواقع والمنتديات العربية والأجنبية | 0 | 12-07-2009 01:20 PM |
الجلطه القلبيه كيف تعالج | محروم.كوم | منتدى أخبار المواقع والمنتديات العربية والأجنبية | 0 | 05-11-2009 12:50 AM |