قصة المثل سعيد اخو مبـارك

محروم.كوم · #1 10-18-2012, 12:20 AM

مثل ماتعرفون .. امثال البدو كثيره .. ومافيه موقف او مناسبة الا وله مثل اشتهر بين الناس .. بعضنا يعرف معناه وقصته.. وأكثرنا مايعرف ، ومن اشهر هذه الأمثال المثل اللي يقول ( سعيّد اوخي مبارك ) وبلهجة البدو ينطق سعيّد تصغير ل سعيد .. اوخي مبارك : اخو مبارك.. اكثر من كذا شرح مافيه

وقصة هـ المثل يقول لك .. ان فيه واحد اسمه سعيّد ترك ديرته وسافر يدور رزقه .. وبعد ايام من السفر نزل عند اهل قرية .. قدّروه وضيفوه واكرموه .. ويوم شافو انه هادي وقليل كلام .. وشكله يوحي بأنه عاقل وفيه خير .. حبّوه ..وقالوا له انت تصلح لنا .. جابك الله .. نبيك تقعد عندنا وبنحطك امام المسجد وتعلم عيالنا القرآن .. مقابل مبلغ نجمعه لك كل شهر .... وش رايك؟ المهم وافق سعيّد على العرض مع انه لايقرا ولايكتب (درج) .. وصار يصلي بهم في المسجد وبعد العصر يعلم الصغار ويدرسهم ومرت الايام وكل يوم يعجبون ب سعيّد اكثر واكثر لين صار المطوّع حقهم يفتي لهم ويملّك لعيالهم وبناتهم واذا صار بينهم مشاكل راحو له يحلّها .. واستمر على هالحال لين جاء واحد اسمه مبارك من نفس ديرة سعيّد ويعرفه زين لكنه متعلم وفاهم ... المهم دخل عليهم وقت صلاة والجماعة بالمسجد ينتظرون الامام .. جاء الشيخ سعيّد يصلي بهم كالعادة ...كبر وصلى ..وقرأ الفاتحة .. وقرا سوره بعدها بس هالسورة خلت مبارك ينهبل وطار عقله .. وش يقول ذا ؟ سعيّد يخربط (( اطعموا مطوعكم من لحم الدجاج .. وزوجوه البنت المغناج .. تدخلو الجنه افواجاً افواج )) قام يتنحنح مبارك ويستغفر ويتعوذ من الشيطان وسعيّد ما يرد عليه كمل قرايه وركع ..
في الركعة الثانية قال سعيد الحين وش يفكنا من العلة هذا من وين طلع لنا ؟ ما فيه طريقة الا اني اتفاهم معه بطريقتي .. ولا يعلم علي ويقطع رزقي .. قال (( اسكتوا ايها المتنحنحون ... فان الشرط اربعون .. لنا عشرون ولكم عشرون )) مبارك طقه الطمع .. فكر بالعرض وسكت .. (ياولد العشرين زينة) .. وصار سعيد اخو مبارك !! هذي قصة المثل ،، والى لقاء مع مثل جديد وقصة جديدة..

عطوني رباابه __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
#bahrain 2#14 feb#نسيج \| الدكتور سعيد الشهابيد. سعيد الشهابي : اني واث	محروم.كوم	منتدى أخبار المواقع والمنتديات العربية والأجنبية	0	06-04-2012 02:20 PM
#bahrain 2#14 feb#نسيج \| الدكتور سعيد الشهابيد. سعيد الشهابي : اني واث	محروم.كوم	منتدى أخبار المواقع والمنتديات العربية والأجنبية	0	06-04-2012 02:10 PM
بعض لوازم الأبل .. اللي يحتاجها راعي الأبل	محروم.كوم	منتدى أخبار المواقع والمنتديات العربية والأجنبية	0	08-21-2011 04:50 PM
كابتن الفــريق / نـواف مبـارك ، و مبــدأ ( السهــل صعـــب )	راعـــ الــحــب ـــي	رياضة محلية و عالمية	2	11-12-2010 06:48 PM
مبـارك عليكم شهر الخير .."MMS" And "SMS"	محروم.كوم	منتدى أخبار المواقع والمنتديات العربية والأجنبية	0	08-05-2010 06:40 PM