#poem_506b131fb4a52 td {font-family: Tahoma, Verdana, Arial, Helvetica, sans-serif;font-size: medium;font-weight: bold;} انا اليامن زارني هاجس وسراني سريت وعلى النكوفه مالي ببعض الهواجس مقدره ياخذني من اللي معي واسج عنه ولاوعيت يقول تسمعني واقول اسمعك مير المعذره والله مدري ويش قلت ووش هرجت ووش حكيت قلبي يقدر خوتك مير الصدوف مقدره انا انصدمت بواقعن غير جميع اللي هقيت في بعض ناسن عنهم اللي في يديني مذخره جيت بوفا الصاحب وفي عفوية اهل الطيب جيت وجوني وكلن في يمينه دس عني خنجره وبانت نواياهم وشفت بعيني اللي مابغيت والحمد للي طيب النيه على اللاش انصره ياكثر ماشفت الخطا منهم وشمت ولا حكيت لاني من اللي لو كشف زلة عدوه يستره الصد عنهم خير لي والبعد عنهم ماحييت لو ماني من اللي اليا جا الخصم يعطيه اظهره لكن شتمتهم حرام وذبحهم مافيه صيت هذا اختصار العلم عن كثر الحكي والثرثره اللي يقدر خوة الصاحب ملك بالقلب بيت واللي يدور عثرة الصاحب عسى الله يعثره