هل تحترم البنت التي تكلمك بالتلفون...جااوب وبصراحة...!!! - الصفحة 2

يتيم الحب · 02-03-2008, 08:17 PM

أولا : مشكورة الغالية على الطرح المميز ^_^

ثانيا من وجهة نظري انه اللي يبدأ بالغلط لازم ينتهي بالغلط مافي شي يدوم ويستمر دام انه في معصية الله سبحانه .. واااااايد شباب على قولتهم يحبون ونيتهم صافية ماعليج منهم كله كذب وخداع الا فئة بسيطة واللي نيته شريفة مايقول ولا برمسها سنة سنتين عشان اعرف طبعها خلاف بخطبها ؟؟!! اللي نيته صافية يدل البيت ... هذا انسان لعاب ..هذي لعبه يلعبونها ع البنات .بس همهم التسلي صدقيني ولو صار وتزوجوا آخر شي بيتم شاك فيها ومابيستمر زواجهم الا نسبة بسيطة من اللي تزوجوا عن طريق الحب واصطلبوا بعد الزواج وعرفوا الله وتابوا ...اللي يحب عمره مايرضى علي حبيبته انها تظهر معاه أو ترمسه بكلام فاحش ..الخ هذا تسلى ولعبان اللي يحب مايرضى على حبيبته ويخاف عليها من نسمة الهوا ...يخاف عليها من نفسه وظله ويغار عليها مب يقوللها معاي انا حلال مع غيري حرام .يعتبرها اخته قبل اي شي ولو يفكر فيها بالحلال على قولتها شو يتريا ؟؟؟ خل يسير يخطبها ويدخل من الباب هب من الدريشة .....عمر الحب ماكان شوف ولمس وطلعات وحواطه.. اما كلام الحب والغزل فهذا انا اعده نكهة يعطي الحب حلاوة بس هب ضروري دام المشاعر صادقة والنية صافية والانسان وفي.. هذو الرسول اللهم صل وسلم علية حب السيدة عائشة حبا .شديدا اكثر عن حريمه الثانيات بس ماكان يصبحا بكلام الغزل ويمسيها 24 ساعة ...

بخبركم قصة واقعية .. في وحده حبت واحد ووثقت فيه واعتبرته شرات اخوها قبل اي شي وهو على قولته يحبها ويعدها شرات اخته ويباها بالحلال .. المهم البنت كانت هب راعية سوالف بطالية .. بنت تخاف من ربها تصلي وتصوم وحافظة القرأن كانت متدينه ...عمرها ماحبت وماتعرف الحب حبت قبل بس مات هالحب ... يمكن الظروف جبرتها ترمسه لنه حست ماعندها حد غيره تشتكي له غيره كان يعرف عنها كل شي ...غرها كلامه وطيبته على قولته .. ماكانت تخش عنه اي شي حتى اسرار اهلها .. كانت صريحه .. من كثر ماكانت تحبه كانت ادور رضاه ولو باشياء تغضب الله سبحانه بس علشان تجبر بخاطره وماتزعله وهي ماكانت مقتنعه بهالاشياء وقلبها يعورها يوم تسوي شي غلط ......عصت ربها وهي بنت متدينه ظهرت معاه ..رمسته .. شافته ... طرشت صورها .. الخ وهو كان يعلمها المنكر على قولته معاي حلال انا ريلج وانتي حرمتي ...ماابا حد غيرج انا احبج عشان جذه اعدج حرمتي واختي واللي يضرج يضر اهلي انتي غير .ومن هناك الله اعلم شو يرمس عنها .. آخر شي ..بعد كل هالعمر والتضحيات والظلم والعذاب والجرح اللي شافته منه والذنوب اللي خذتها منه وعلى زلة مدري سبب هي ماتدري فيه عذر اقبح من ذنب قاللها سيري دوري على واحد ثاني انا راضي والله مااباااااج مايشرفني ارتبط بج .....الخ!!! ... تخيلوا قطعت نصيبها علشانه كم ردت وردت شباب واويد كانوا زينين عشانه هي مابغت الا أخو انسان تشتكي له ويشل عنها الهم ويذكرها بالخير.. يسال عنها حية ميته .. لنه كانت عندها مشاكل ومشاكلها ماتخلص غير عن انها مريضة ومحد يعرف حتى هو مايعرف عن هالشي ...ماكانت ترمسه عشان ياخذها عمرها مافكرت في هالشي ..الدنيا ممزورة شباب وهي ماعليها قصور ماشاء الله عليها الكل يباها ...واساسا هم مايصلحون لبعض بس تخيلوا كذب عليها وعلقها بامل خداع شكله شاف له شوفة ثانية بس جبان ماقدر يصارحها تريا الزله منها وتعلث ولا يمكن طاحت من عينه بعد ماسوت هالأشياء اللي هو علمها شو استفادت ؟؟؟؟؟؟؟؟

وخسرت رضا ربها عليها ........ خسرت كرامتها واحترامها لنفسها .. خسرت دراستها ودهورت صحتها .....الاهم من هذا ضيعت احلى سنين عمرها مع هالإنسان .. حصلت ذنوب.

.والحين هي وااااااااااااايدة ندمانه .... رجعت لربها وعرفت خطاها والحمد لله الله كشفه قبل مايضيع شرفها والله سبحانه يوم يحب انسان يمهله الوقت لين مايرجع ويهديه في النهاية ..صدق الكلام واااااااااايد يغر وياما ناس كلامهم يقطر عسل ويعرفون يمثلون ومن هناك كل الخبث والمكنر فيهم .......

خواتي ديرنن بالكن على عماركن لاتصدقون اي كلمة ولو الشاب كان ماشي صح معاكم الا مايلعب براسه الشيطان وانتن مشكلتكن عاطفتكن .. اللي تمشن وراها .وطيبتكن .....!!! تذكرن اللي يبدا بالغلط ينتهي بالغلط ربي يحفظكن من كل حاسد ونذل مايخاف من الله .... __DEFINE_LIKE_SHARE__

بنت زايد الخير · 02-03-2008, 10:36 PM

انا داشه بالعرض بس فيني فضووول ابي اعرف رايكم __DEFINE_LIKE_SHARE__

فلاسية دلوعة · 02-03-2008, 10:46 PM

انا مابعلق علي الموضوع الصراااحة ...
الانة يتيم الحب كفااا ووفااا ....
وااايد حلوووو الصراااحة تعليقة ....
واااااااااااايد ... واشكرة والله والله يوفقة الانة هذا الكلام المنطقي ...
ومشكووورة اختي ع الموضوع الحلوووووو... __DEFINE_LIKE_SHARE__

الهاجسة · 02-04-2008, 06:01 PM

عيون بوظبي 87: تسلمي ختيه عالرد ولا هنتي يالغاليه وما شاء الله عليج ويعطيج الف عاافيه ^^ ....

:

ظبياني عكس قانونه: تسلم خويه عالرد الغاوي ورمستك ع راسي من فوووق

ولا هنت في التعبير ويعطيك الف الف الف عاااافيه ^^ .....

:

{بلوشيه}:تسلمين عالمرور وحياااج الله في اي وقت ^^ ....

:

ورد جوري يفوح وجناته: يسلموو عالمرور وحياج الله جاان تبين ردوود الشباب

^^

:

يتيم الحب : وربيه ما قصرت في الرد غاااااوي وتعبيرك واايد حلو وصح لساانك في كل اي قلته وجهت نظرك ميه ميه خبره ماشاء الله عليك ورمستك كلهاا عراااااسي من فوووووق وما قصرت يعطيك العاااافيه ....^^

:

بنت زايد الخير : هههههههه حياج يالغاليه في اي وقت تشرفين يعطيج العافيه ^^...

:

فلاسيه دلوعه :هيه والله صدقتي ما قصر... وتسلمين عمرورج الذوووق ويعطيج العافيه ...

ــــــــــــــــــــــــــــــــــــــــ __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
البنت التي غسلوها ولازالت تتنفس؟؟!	أم عفراء	قصص و روايات	5	12-12-2012 06:24 PM
قصة البنت التي واعدت الشاب وهي ميتة , قصة أرعبت العالم	محروم.كوم	منتدى أخبار المواقع والمنتديات العربية والأجنبية	0	06-23-2010 01:20 PM
The Exorcism of Emily Rose : البنت التي دخل بها 6 اشباح	محروم.كوم	منتدى أخبار المواقع والمنتديات العربية والأجنبية	0	06-05-2010 02:40 AM
صورة البنت التي هزت العالم بأسره‎......	G A R A M	تصاميم , دروس , تصاميم الاعضاء	22	04-07-2009 05:16 PM
هل تحترم البنت التي تكلمك بالتلفون...جااوب وبصراحة...	عايشه المستحيل	الحوار والنقاش - الرأي والرأي الآخر	44	07-22-2008 05:00 PM