السلام عليكم ورحمة الله وبركاته
وان شاء الله الجميع بخير

والله لايهينكم فردا فردا,,,,والله يوفقكم منين مالقيتم وجوهكم برا وبحر وجوا.
واعذروني على التأخير
واعذروني على التقصير:

#poem_5051f16aec3d8 td {font-family: 'Traditional Arabic', Arial, Helvetica, sans-serif;font-size: x-large;font-weight: bold;} عساني لاحاسد ولا نيب محسود لو قلت حظ اهل القلوب الشليّه وياراكب اللي لامشى يطلب الزود من صنعة اليابان والشمس حيّه احمل سلامي عد ماهبت النود على الرجال اهل الوفا والحميّة من الشمال الى القصيم لطيب حيود نجد(ن) وبيشة ثم ابها البهيّة وخليجنا الغالي له اشواقي ترود ومن الخبر الي الحجاز الابيّة وصّل سلام اللي مع الناس موجود وقلبه جلاوي ناحر ارض خليّه بالعاذره.. يلوذ لو مابها عود يبي يطيح الليل ماشاف اذيّه قامة طلاليب لهم صار منشود جيش وقامة من على اثره سريّه يشدّ عزمه لكن الحيل مهدود والخوف يلحق على العزوم القويّة يسهر طوال الليل والعقل مشدود لادناة وقش يفز وعينه شقيّه يطري علي وصاحبه بيّح سدود قام يتوجّد من حظوظ رديه وياهل الغطاوي خبروني عن الذود اللي سرى في ليلة سرمديّه يسرى بجهام(ن) نيته يقطع حدود مع قاع خد عشبته جرهديّه
وسلامتكــــم يالغالين
أخوكــــــــم/ال-رايق
مكشات/خيمة الألغاز