سالفتين تستاهلونهن -من سحاب نجد-راعي شقراء

محروم.كوم · #1 08-30-2012, 04:10 AM

السلام عليكم ورحمه الله وبركاته

هذي سالفه وراها بعد سالفه اخرا قلت خميس وجمعه وش يبي يسوون اخاف تضيق صدوركم جعلها ما تعرف الظيقه اللهم امين يارب العالمين

هذولا ربع شباب ويبي يروحون للبحرين المهم مشوا ناوين البحرين
ماشين من الرياض المهم يوم وصلوا حول جسر الملك فهد حق البحرين قال واحد منهم يا جماعه خل نصلي قبل نركب الجسر ترا ان رحنا ما والله تتربونها اعوذ بالله كلش الا الصلاه المهم هداهم الله ووقفوا على جنب الطريق وتوه مذن المغرب واذنو وكبروا الامام قدام اكيد مهوب ورا ههههه واثنين وراه المهم من الفرحه يبي يروحون للبحرين شي عظيم المهم يوم قظوا من الصلاه وسلم الامام ومن فرحته بالبحرين شقلب وقال ههيه ويوم التفت والا الصف ماتشوف اخره وراه كل من مر وقف وصف يصلي مادرا الامام الا يوم شقلب وينطلق ينحاش على رجليه حافي مستحي من اللي سواه يحسب ما وراه الا ربعه مادرا ان الصف وراه ماتشوف اخره وقاموا ربعه وكل كنه مايعرفه وركبوا سيارتهم وهم ما يقدرون يمسكون انفسهم من الضحك عليه وراحوا من بعيد وشالوا رفيقهم قالوا وش سويت قال وش سويت تشقلبت ولا اللي وراي مية شخص احسب مافيه الا انتم
=============================

وهذي السالفه الثانيه وهي واقعيه وقديمه مره يوم السيارات شويه
طبعا كلهم من اهل شقراء ذاالاثنين واحد منهم عنده بقره يبي ينقلها للرياض وقال لواحد من اهل شقراء من اللي يكدون بسياراتهم يعني يودون مشاوير بكروتهن او بقيمتهن المهم شالوا البقره في الصندوق ومشوا يسولفون على بعض ومنول السيارات مهنا عزم يسوا ولا فيه الا ديراب يروحون معه المهم يوم اقبلوا على ديراب لازم يحط رجله زود يعني يسرع زود علشان الطلعه ياخذ عزم المهم انطلقت السياره ماشاء الله ويلتفت السواق على رفيقه وقاله قل ماشاء الله قال رفيقه ماء شاالله وش فيك قال راعي السياره عزم الموتر زان انطلقت السياره ومن شريتها ماعمرها صار عزمها كذاالا اليوم ويوم التفت راعي البقره على وراء يبي يشوف بقرته ولا مهنا لابقره ولاصندوق ههههههههههه قال الراكب يابو فلان قال سم قال ما معنا لا بقره ولا صندوقك طاحن
اثره يوم يزين عزم السياره منفك الصندوق وطاح والبقره فيه __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سحاب نجد - راعي شقراء - وسالفه راعي الكحه ولسان الثور	محروم.كوم	منتدى أخبار المواقع والمنتديات العربية والأجنبية	0	08-10-2012 03:50 PM
قصيده سحاب نجد راعي شقراء المعـجـــزه	محروم.كوم	منتدى أخبار المواقع والمنتديات العربية والأجنبية	0	08-04-2012 09:10 PM
قصيده سحاب نجد راعي شقراء	محروم.كوم	منتدى أخبار المواقع والمنتديات العربية والأجنبية	0	08-03-2012 02:50 AM
قصه حاصله ل سحاب نجد راعي شقراء	محروم.كوم	منتدى أخبار المواقع والمنتديات العربية والأجنبية	0	08-02-2012 03:50 AM
سحاب نجد راعي شقراء جاكم ظيف	محروم.كوم	منتدى أخبار المواقع والمنتديات العربية والأجنبية	0	08-01-2012 08:50 PM