|
تحصيل بدون هدف ..! السلام عليكم ورحمة الله وبركاته..! الموضوع بسيط، ولكن نتايجه موب مقبولة ..! مقدمة الموضوع: هذا الخبر انتشر في جريدة الخليج:: كشف الدكتور مغير خميس الخييلي مدير عام مجلس أبوظبي للتعليم أن نحو 80% من الطلبة في أبوظبي يتجهون للدراسة الأدبية، في حين يذهب 20% فقط إلى القسم العلمي، وهذا التوجه يتعارض مع رؤية أبوظبي 2030 الاقتصادية التي تحتاج إلى خريجي القسم العلمي بشكل أكبر، مشيراً إلى أن دراسة أجرتها شركة متخصصة على الحلقة الدراسية، أكدت ان هذه المرحلة لا تلبي هذه الرؤية في ظل كم المواد التي يدرسها الطالب، وقلة الانشطة والمواد الاثرائية . وقال الخييلي أن 3% من خريجي الثانوية العامة في أبوظبي يلتحقون بالجامعات الوطنية دونما المرور بالسنة التأهيلية والبقية كانوا يخضعون للتعليم الأساسي قبل الالتحاق بالجامعة، مما يتسبب في ثلاث خسارات للدولة : -أولها اضاعة عام أو عامين من عمره الدراسي الأكاديمي، -ومبالغ تتحملها الجامعات الحكومية تصل إلى 30% من ميزانياتها لتأهيله، - أما الخسارة الثالثة فتتمثل في تأخرنا عن علاج وحل مشكلة التركيبة السكانية كون الطالب يتأخر عن التخرج من دراسته الجامعية مدة سنة إلى سنتين . شو السبب اللي يخلي الطلاب يلتحقون بالقسم الأدبي أكثر من العلمي؟ أحيد على أيامنا، قبل لا نفكر شو بنختار علمي والا أدبي ( كنا نفكر بالتخصصات اللي بندخلها في الجامعة، ونفكر بمستقبلنا )..! لكن في هالوقت لما نسأل معظم الطلاب ليش تدخلون أدبي:: يقولون نبي نحصل نسبة كبيرة، والمواد سهلة، .... إلخ..! شفت بنات وشباب، متوفقين في الدراسة ونسبهم في التسعين، ولكنهم يصرون على القسم الأدبي،..! وهذا الشي مثل ما أدرجوا في الخبر:: يأثر على مستقبل الدولة.. حتى لو كانت درجة الخسارة تتفاوت من البسيط للكبير.. ألحين بالله عليكم، حنا ليش نتعلم، موب لجل نبني مستقبل الدولة ومستقبلنا ..! :eh_s(1)P: إذا الدولة بتخسر كفاءات وكوادر، شو الفايدة من النسب العالية..! ؟ هذا الموضوع حطيته للكل، ولطلاب الثانوية بشكل خاص ( موب قصرا على طلاب أبوظبي).! أريد مناقشة جدية، كنت بحط أسئلة ولكن المناقشة من شتى الزوايا مطلوبة، إلقاء الضوء على هالزوايا مهم..! دمتم ..! |
السلام عليكم ورحمة الله وبركاته بصراحة عيبني موضوعج وايد وفقتي في الاختيار :d-uae0(1): أنا بتكلم بشكل عام وبعبر عن رايي وباجي الأراء على الأعضاء في شي محيرني وأستغرب منه ليش يقولون الأدبي أسهل من العلمي ما أعرف ترا العلمي والأدبي اثنينهم يحتاجون لمجهود أنا بالنسبة لي أفضل الفهم أكثر من الحفظ من جي دخلت علمي اللي يروم يحفظ يدش أدبي أما اللي يحب الفهم يدش علمي لكن الغلط مش من الطالب بعض الأغلاط من المدرسين في مدرسين ما يرومون يوصلون المعلومة للطلاب وأفضل إنه يتركون مجال التدريس ولا يلعوزون الطلاب معاهم التدريس أمانة مش معاش فقط :خ9: أما بالنسبة للجامعات والتخصصات في طلاب ما يقدرون يحددون ميولهم دون تطبيق في السابق وفي الأخير يضطرون يدشون تخصص ما يناسبهم ولا يناسب طموحهم :خ9: أنا لي راي وأتمنى إنه يطبق في الدولة :d-uae0(1): لو الدولة تقوم بتطبيق في المرحلة الاعدادية عدة دورات في مختلف المجالات للطلاب بحيث يقدر الطالب يحدد ميوله ويختيار أي تخصص يحس إنه يقدر يبدع فيه سواء كان يتبع للمجال العلمي أو الأدبي بحيث لو انتقل للمرحلة الثانوية يقدر يحدد هل بيدش علمي أو أدبي للوصول لهدفه في الأخير وهو التخصص في الدراسات العليا لأن المشكلة عندنا إن الطالب يخلص الثانوية وهو مش عارف شنو يتخصص لو كمل دراسات عليا يعني دراسة ونجاح بدون هدف :no_6: أتمنى وصلت فكرتي :ast7eee: في الأخير كل الشكر لج لطرح موضوع قيم ومهم لمستقبل الدولة :1711: وأتمنى من الطلاب التفكير العميق لمستقبلهم وعدم تضييع أي سنة من عمرهم دمتي مبدعه ولج تقييمي لا عدمناج :ast7eee: |
اقتباس:
فعلا ً بعض الطلاب، يوم يدخلون الجامعة ويمر عليهم سنة، يكتشفون أنه ميولهم شي ثاني، فيلجؤون لتحويل الكلية، لكليات ثانية.. بس أستغرب من طلاب، يحولونها أكثر من مرة..! يهمهم شو بيشتغلون يوم بيخلصون، لتحصيل المعاش، وتحسين الدخل صحيح أنه الشخص لما يشتغل، يخدم وطنه، ولكن كثير منهم يشتغلون ولكنهم ما يضيفون شي جديد له...! ( نفس الروتين كل يوم )..! هذا من غير اللي يخلصون، ويشتغلون على طول.. أحس أنه العدوى صابت البنات من بعد ما كانت في الشباب ..؟! قمنا نسمع عن بنات مخلصات جامعة وقاعدات يسون بروجيكتات، وطلعن للدولة شي رائع.. سمعتوا عن الطالبتين اللي في جامعة زايد، اللي اضافوا خاصية إعادة البرمجة في أجهزة الهواتف النقالة، وتبنت مشروعهم شركة عالمية ..! هذا الشي اللي تبيه الدولة، لازم نتقدم من كل النواحي .. وللأسف الوضع في المدارس ما يساعد..! اوافقج الاقتراح، المفروض أنه الطلاب يعرفون شو ميولهم ( لأنه اللي تبي تصير دكتورة لازم تعرف من البداية أنها لازم اتشد حيلها، واتييب نسبة عاليةوتعرف كيف اترتب وقتها) .. لانه الدراسة في الجامعة: 1-يبالها شدة حيل، وتفرفر يمين ويسار لجل تحصيل المعلومة. 2- نسبة مقبولة، لأنه بعض الجامعات ما تقبل نسب معينة، وان قبلتها يمكن الكلية نفسها ما تقبل البنت بسبة نسبتها، فتتحول البنت تلقائيا لكلية ثانية.. يعني نسبة 80% من الاختيار وتحديد المستقبل يعتمد على الطالب. تسلمين الامبراطورة على التعقيب، وربي يعطيج ألعافية. |
أولاً أشكرج إختي على موضوعج الطيب والحساس !!! وفعلاً يعني هذا أمر مهم !!! . . وأنا معاج في أن الشباب هالأيام صارو يتجهو للأدبي !!! في الوقت الي نحتاج فيه لطلاط القسم العلمي عشان يملون الوظايف عن الأجانب !!! لـــــكــــن !!! للأسف يا إختي بيني وبينج صار الي يدش علمي مايفلح والله !!! لن الدولة صارت تساوي بين شهادة العلمي والأدبي بشكل كبير !!! فصار الطالب يقول: ليش أدش علمي وحالتي حالة وفالنهااااية الفرق بيني وبين الي دش أدبي هو إني أقدر أدش طب وهو لا !!!!!! يعني صارت مساواه بين الأدبي والعلمي لحد غير طبيعي !!! وصارت حتى الشهادة العلمية مالها قيمة وايد !!! أقولج يا إختي أنا تخرجت من علمي وبنسبة فوق 80 !!! لكن أكثر من نص الكلاس الي أنا فيه تخرجو من أدبي !!! يعني مب قهر هذا ؟؟؟ والله لو تشوفين صفوف الثنوي صارت مصخرة !!! الطلاب تاارسين قسم الأدبي !!! وصف 11 و12 علمي فيه 18 ولا 16 طالب لا وياريت لو شي كم صف علمي !!! هم صفين !!! صف 11 علمي و12 علمي !!! من قلة طلاب العلمي !!! لن طالب الأدبي يضحك ويستانس وآخرتها تخصصاته المتاحة نفس مال العلمي !!! أما طالب العلمي فيلعنون بو خاسمة بـــــــــــــــــس عشااان فرق بينه هو والأدبي إنه يقدر يدخل طب !!! يعني والله هذا مايصير !!! هذا أخوي بعد طلع من علمي ونسبته 90 ما شالله ودش هندسة وتخرج والحين يكمل الماجسيتر وآخرتها راتبة كان مكحكح ووالله الي دش دورة مرشحين وأدبي آخرتها بيتخرج براتب فوق 20 ألف وبرتبه ملازم أول وأخوي هذا الي حياته كله علم فعلم يحصل أقل من 18 ألف !!! بس الحمدلله إن أبوي مدير فشركة قوية عشان جذيه مافرقت مع أخوي وايد !!! . . وبعدين شوفي الي يتخرج من دورة المرشحين سوا من جيش ولا شرطة كيف يترقى وكيف يرزونه !!! والله يا إختي إن ربيعي نسبته 93 علمي وآخرتها الحين داش دورة مرشحين مال الشرطة من كثر ما ميزاتهم قوية !!! شفتي كيف ؟؟؟ يعني لو دش أدبي من زمان جان فك عمره من عذاب الدراسة لن هناك المستقبل !!! وغير بيعي الي نسته 88 وراح الجيش كمرشح فبوظبي وغير الي دش قانون وهو علمي وغير والي علمي بس داش مرشحين الهجرة !!! . . الحل هو إن لازم تقدر الدولة شهادة العلمي !!! وتعطي صاحبها أكبر ميزات وتفتحله أبواب تخصصات غير عن سواه !!! عشان لما يفكر الطالب المقبل على 11 يقول صدق والله شي فرق بين الشهادتين !!! ويخلون للأدبي تخصصات أقل من العلمي !!! عشان نشد الطلاب على إنهم يدشون علمي أكثر ويشد حيله غصبن عنه !!! لن لو ماشد حيله بتضيع عليه فرص وايد !!! ومنها الي بيتخرج من العلمي مابيكون مضيع ويوم بيدش الكلية مابيحتاج للسنة التأسسية وايد !!! لن صدق قل عدد الطلاب العلمي من المساواة الي مالها منعى والي بس تخلي الي ياب 90 فالعلمي ينتف شعره حسافه على الوقت الي ضاع وهو يصيح ومب فاهم وعيونه شلقت من الكتب !!! وصارو نص طلاب العلمي وافدين لنهم محتاجين للنسبة لما يردو بلادهم ولنها بتقل بنسبة كبيرة لن بعض الدول العربية تشيل الدين من النسبة !!! . . |
هلا يا بوقحيط:: مستعده أشهد وياك باللي قلت...! شخصيا في السنة الماضية خاصة، ما عيبتني النسب أبدا ( خلنا نفرق بين طلاب قسم العلمي نفسه) أعرف طلاب في العلمي ( منهم الشاطر ومنهم المتوسط ) كلهم امحصلين نسب فوق الـــ 95..! للأسف، مثل ما قلت قاموا يساوون بين الطلاب، وأحس أنه الواحد ما ينعطى حقه..! ولكن يا بو قحيط( بالنسبة للجامعة، حتى لو كان الطالب يايب نسبة 100% سواء كان في العلمي أو في الأدبي، ترى الدراسة هي اللي تحدد مستوى الطالب، و تبين من هم الطلاب اللي فعلا يستحقون أو لا ):..! لأنه الجامعات نظامها مختلف تماما ً، إذا ما تأهلت صح من أيام المدرسة مستحيل تكمل في الجامعة..! أو في كلية ضمن الجامعة..! وفي تخصصات ما تقبل غير العلمي موب الا الطب( عندك العلوم، الآي تي، والهندسة)..! وهذيل التخصصات يبالها فعلا ناس متأهلة صح من المدرسة..! نبي انركز في هالموضوع على النتايج اللي بتعود على دولتنا يوم بنتخرج،يعني حنا اللي لازم نعطيها، ونطلع لها شي جديد.. بغض النظر عن سالفة المعاشات..! ( ما أقدر بالضبط أرمس عن سالفتها لأنها خارجة عن محور حديثي، ومالي خبرة في موضوع المالية).! تسلم بو قحيط.. عساآآك عالقوة. |
| الساعة الآن 12:35 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir