|
من موضه لموضه { ومن تخلف لتخلف ! السلام عليكم ورحمة الله وبركاتة بعض شباب هاليومين وليش الجميع استغرب منهم لدرجه كبيره استغرب على اللي يطولون شعورهم لين جتفهم واللي يطول اكثر من جي ! واستغرب من يصبغون الوان مواترهم بالوردي واللماع وكل هذا على عشان البنات لا اكثر وغير الصبغ يلبسون كراسي مواترهم بماركات مثل لويس فيتون وغيره واستغرب وبنفس الوقت تيني حيره من اللي يخصرون ويضيجون كناديرهم على خصرهم وعلى عضلاتهم وارد اقول كل هذا عشان الكشخه والبنات . محتاره من كنادير الشباب اليديدة وايد شفافه لدرجة ان الوزار يبان !! اللي لونه احمر واللي لونه وردي او اخضر..واللي نقشته مربعات واللي مكعبات ) ليش طيش الشباب يوصلهم لمرحله تبهذل عمرهم يتحرون ان جميع البنات يركضن ورا المظاهر كشخته وموتره وكشته وجسمه !! طبعا مب الكل جي بس الاغلب هم على هالحال واللي يلبس سكيني الوان بناتيه والسبايكي ماله ! مناظر اقترف منها والله اليوم الظهر يالسه فالكوفي شوب اتخاشى الزحمه لان المغرب والعصر يمتلون ناس وشباب وحريم ويستوي زحمه حيل يمرون شباب من ظهر الله يايين يدورن بنات ومسوين لهم قروب اللي مسوي قروب كلهم كنادير سود ومخصره والشعر اعوذ بالله منه متسبحين بالجل //من موضه لموضه { ومن تخلف لتخلف واللي طالعين لهم موضه حاطين نجوم تلمع بكناديرهم عنبو شو هالسخافه والمناظر الهزيله ! هذا ماشدني بهالايام ! اي ملاحظة او افاده نحن حاظرين // لضيقه وقتي استسمح من الجميع .. تحياتي لكم |
وعليكم السلام ورحمة الله وبركاته يا مرحبا بفتنة الكون منورة القسم :wrd: بصراااااحة موضوعج مميز وحساس جدا بالنسبة للشباب طبعا مب كلهم فئة قليلة بس :خ8: جوفي اختية في أشياء من اللي قلتيها جفتها وبعضها ما جفتها بس إذا كلامج صحيح ما بنقول غير على الدنيا السلام :out: فرايي السبب الدلع الزايد من صوب الأهل أنا أستغرب لما أجوف أم ادلع الولد بزيادة أنا ما أحيد الدلع مخلف عالصبيان الدلع للبنات وبحدود بعد إذا بدلعين ولدج ييبله هدايا لو نجح فمدرسته ومب دوم بعد في يهال ما ينعطون ويه :11: أما بالنسبة للأولاد لما يلبسون لبس ملون نفس البنات فهالشي معودين عليه من أهلهم محد يقوللهم عيب هذا لبس بنات ولو حد قال رايه أو نصح أهلهم قالوا عيالنا ونحن راضين ما أقول غير الله يهدي أهلهم قبل وعقب الله يهدي عيالهم في النهاية أشكرج عالموضوع بصراحة عيبني وايد:5: وأتمنى ما يكون آخر موضوع لج فقسمي أكيد لج تقييمي لا عدمناج :Afk_r: |
وعليكم السلام ورحمة الله وبركاته ..! من المواصفات اللي حطيتيها عنهم، حسيت أنهم بنات ( بالمعنى الثاني اخدي )..! أبسط الأمور السخيفة، أنهم يطولون اشعورهم لأطول من الكتف .. كنهم ما يعرفون أنه المتشبهين في النسآآآ ( ملعونين×_× ) ...! ناهيتج عن اللي يحطون مكياج ..!!!! ما أختلف على سالفة أنهم يلبسون سيتات الكراسي لبسات ماركات ...! لأنه الأعمال بالنيات، أنا أعرف ناس امحطية هالشي ,.. بس موب لجل الهدف اللي وضحتيه ... شباب هالايام، يبالهم صلب عود وبالقو .. للأسف يمكن يكون هالشي اللي يسوونه بسبب الفضاوة الزايدة عن الحد ..! لازم يشغلون أنفسهم، بأمور مفيدة .. >> اللي بيسمع يعني ..! الله يهديهم .. ويصلح شانهم .. وتتعالج نفسياتهم من سقمها.. ويثبت الرجال على طريق الصواب تسلمين على ما أبديتي وربي يعطيج ألعافية. |
مشكَورين ع المرور الطيبَ . . الامبراطوره + الهاموره الامبراطوره جميع الي ذكرتهمَ شفتهم فالواقع " |
وعليكم السلام ورحمة الله وبركاته.. مرحبا اختي ان شاء الله مرتاحه.. هالسوالف الواحد دووم يشوفها.. مناظر اتيب للواحد اشمئزاز.. عندج الشباب بينقسمون لنوعين..فئة الي هم الدلوعين الي يتشبهون بالبنات وعندج الثانيين الي يبون يلفتون انتباه البنات.. الفئة الاولى ممكن تكون مرض نفسي وممكن انه بس جي عايبنه الوضع.. وها ممكن انه يسطلب اذا صلبوله عوده وادبوه..اما الثاني ها يباله علاج.. والفئة الثانيه الي حركات ومسوين جو ويبون يلفتون الانتباه هاي تصرفات مراهقة.. وهايل صدق الواحد لازم يأدبهم ومن الممكن يتمون جي لين يعرسون لازم الواحد يوقفهم عند حدهم.. الواحد يشفق على حريم هايل الاشخاص لانه من الصعب يتغيرون.. والمشكلة انه الي اعمارهم 12,13...الخ صغار قاموا يسون هالتصرفات من الي يشوفونه ها يوم بيكبر كيف بيكون!! نفس ما قالت اختي الامبراطوره الغلط يكون من الاهل ما ينتبهون لعيالهم ماشي توجيه.. ماشي حزم.. الام ولا الاب شاف ولده لبسه تصرفاته ماب زينه لازم يوجهه ماب يخله ع راسه.. بس المشكلة محد فاضي لثاني! ومشكوره اختي على الموضوع ^^ |
| الساعة الآن 11:12 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir