|
2-12 تحدي و استهتار فالعيد الوطني السلام عليكم ورحمة الله وبركاته جيف حالكم ؟ حبيت اطرح هالموضوع اللي يسابق تاريخ وطني الحبيب (عيد الإتحاد الوطني) 2-12-2008 م العيــد الوطنـي سؤااال يطرح نفسه ؟؟ ليشش بنات البلاد هالاياام اشوفهم جنهم اولاد ؟؟ ليش ها التصرفات اللي مالها خص في دينا ولا اعرافنا الإماراتية !؟! يعني ماشي مذهب ... مثلاً الشباب يسوون مسيره وجي.. انتوا اشدخلكم اتسيروون المسيره والي تطلع لي من فوق و راشه ب شعرها الوان علم الدوله ؟ شو هالتخلف هاا .. ليش تصرفات لفت النظر وتحدي بعض الشباب اثناء القيادة "فالمسيره " .. والي تلبس لي عبااه و تتحوط لي فالمووول والعباه جنها جلابيه ملونه بعلم الامارات << شو الاخت مشجعه !! .. اختي عرفنا انج وطنية واتحبين بلادج ... بس اذا تبين اتعبرين عن بلادج عبري بعقلج و بقلبج ، الوطنية وحب الإنتماء هب بس فالالوان والصيحات اللي لجأنا لها فالفتره الأخيره شرات لبسج و ميكاب الي حاطتنه بالوان علم الامارات !؟! الإنتماء هو الخوف على الوطن وحب الوطن ، ونحن تعلمنا من ابونا زايد الله يرحمه شو هو حب الوطن ، بس ماتوصل مواصيل ان فئة من البنات "الرخيصات " اللي يسون لفت نظر ورقص وفضايح ؟!! ... فالنهاية كل عام ووطني الحبيب بخير والله يعم علينا الأمن والأمان واللهم اجعل هذا البلد آمنا مطمئناً * * * DoNe By : SLEEP4EVER ملاحظه : جميع حقوق النص محفوظه :5: ل سليب فو ايفر ! :7799: |
وعليج السلام ورحمة الله وبركاتة بالفعل ، هناك تصرفات خارجة عن اطار عاداتنا الاماراتية واخص بالذكر من قبل بعض الفتيات التافهات حول مايدور فالمسيرة الوطنية .. يعني لا احترام للعيد الوطني ولا احترام للدولة التي احتضنت الجميع واعطتكم من خيرها وانتوا تقابلون الإحسان بالإساءة .. انا اقول لهن اذا هذي هي الوطنيه فالدولة ماتتشرف و ماتبا هالأشكال اللي تخرب المنظر العام وتشتت كل مايعكس التربية الإماراتية التي ربانا عليها المغفور له ان شالله سيدي سمو الشيخ زايد بن سلطان آل نهيان "رحمه الله واسكنه فسيح جناته " .. 0 0 العام انصدمت وذهلت لما شفت بنات فاسخات الحيا والخجل ضاربين عرض الحائط الأخلااق الدينية والآداب العامه وحده لابسة علم الدولة ( على الخصر وصوب الورك ) ، ولا وحده مظهره عمرها من سقف السيارة ومتلثمهولا فاله الشعر، حسبي الله ونعم الوكيل ، وحده رخيصة ومستهتره فـ علم الدولة ولا وحده مستنزله ومطيحه زيرانها ، شو نحن وين يالسين الله يعزنا ويعز دولتنا عن هالأشكال ... 0 0 اخواني اخواتي لنكن راقيين في مسيراتنا ، ولا يكن هدفنا هو ( موعد للقاء الأحبه ) او موعد لـ (التعرف على الجنس الآخر ) والتعرض للآخريين بدون اي وجه حق ، لندعم هذه المسيرة بعبارات حب الوطن والأخلاق التي عودنا عليها ديننا الإسلامي الحنيف والخوف على وطننا لنكن اصحاب شخصية الإمارات ونعكس تربية وعادات هذه الدولة السامية بسلوكياتنا واعرافنا الكريمة .. 0 0 وشكرا لأختنا sleep على طرح هذه القضية الهامه جداً خصوصا انها جاءت من بعد تراكمات من السنوات الفائتة .. غديّر النعيمي |
اقتباس:
والله أنا أؤيد كلامك أخوية ..^___^ .... .. يعني اذا يبون يطلعون المسيره لازم كل واحد يلزم حدوده .. ويكون محترم .. مب انكم تطلعون واطلعون مفاتنكم وجي ..<< تطلعون ويا اخوانكم بعد مب بنات بروحهم !! ** العام انصدمت وذهلت لما شفت بنات فاسخات الحيا والخجل ضاربين عرض الحائط الأخلااق الدينية والآداب العامه وحده لابسة علم الدولة ( على الخصر وصوب الورك ) ، ولا وحده مظهره عمرها من سقف السيارة ومتلثمهولا فاله الشعر، حسبي الله ونعم الوكيل ، وحده رخيصة ومستهتره فـ علم الدولة ولا وحده مستنزله ومطيحه زيرانها ، شو نحن وين يالسين الله يعزنا ويعز دولتنا عن هالأشكال ... لاااااا بتنصدم اكثر واكثر .. بس شوف هالسنه شو بيسوون بعد ..الله يستر بس !! ... **** وشكــرا عـلى الــرد ^___________^ |
اول شي ببارك لكل اماراتي ع العيد الوطني كل عام وهم بخير وانشا الله ينعاد علينا كل سنه والله يخلي الامارات وانشا الله دوم اتكون عامره والله يبعد عنها عيون الحاسدين والحاقدين ويحفظها النا من كل شر <<< اميييييييين يارب الحين بتطرق للي قلتيه اساسا البنت الاماراتيه الحشيمه ما تسوي هالشي ولازم ما تسويه بالاساس الوحده يوم تظهر من البيت تلبس اسود و عقب تظهر هب الوان قوس قزح ع ويهها وثيابها والله البنات يدورووون الاثام من كل مكان اكيد مستغربه ان بنت ترمس عن البنات بهاي الطريقه بس والله يقهرن وعاد هن لا حسيب ولا رقيب وين اهلهن يوم ظهروا من البيت ما شافوهم اوكي هي اماراتيه وتبا تحتفل اتسوي لعمرها مسيره بروحها في البيت تناقز وتشل علم الامارات في الحوي وانتهت السالفه احتفلت وخلاص واذا ينا ع المسيره الله يستر عليهن بصراحه يسووون حركات الريال ما يسويها ومنقود ان الوحده تسير مسيرات هي للشباب هب للبنات يعني هي منو عزمها ولا تبا تجحل عينها بالمسيره ومن غير يظهرن بدون محرم وهالشي ما ايوز حاولت كثر ما اقدر اني ما اقول شي بس والله هب قادره امس عمري هع تسلمين والله ع الطرح ونترقب منج كل يديد |
السلام عليكم و رحمه الله و بركاته أحييك أخويه على الطرح المتميز و أشكرك في البدايه على هذا الموضوع : لا تستغربون اذا شفتوا مثل هالأشكال لأنهم الأغلبية في هذا الزمن لا حيا ولا حشمة ولا أخلاق كل واحد رغبته في هالدنيا يرضي غروره و يركض ورا شهوات دنيويه ما جنه في رب ولا يوم حساب بيتعاقبون فيه همهم الدنيا و بـــــــــــــــــــــــس ! انا مب معترضه على وطنيتهم ولا حبهم لدولتهم بس في ضوابط و حدود لكن اللي مب مسوي لربه حساب بيسوي لغيره حساب ؟؟ و هو رب العباد اللي خلقنا من طين و يقدر يخسف بنا الارض بسبب آثـــام الشباب و البنات اللهم لا تؤاخذنا بما فعله السفهاء منا تحياتي ... |
| الساعة الآن 05:41 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir