منتدى استراحات زايد - سويت البيض عيون + سويت الجام

http://www7.0zz0.com/2008/10/20/07/311255730.jpg

تطحنين بسكويت دايجستف + نص كيس بسكويت أولكر وتخلطينهم مع بعض في مله ..

تسيحين زبده على النار وعقب تصبينها على البسكوت اللي في المله وتخلطينهم عدل ...

تاخذين البسكوت وترصينه في كيس الكب كيك ..

في خلاطه كهربائيه تخلطين علبة وحده حليب مركز + 12 حبه جبن كيري ...

تصبين الخليط على البسكويت اللي في الاكياس وتدخلينهم الفرن من الاسفل فقط ..

بعد مرور تقريبا 15 دقيقه اطلعينهم وتتركينهم على جنب ..

في مله اخلطي ملعقه كبيره قشطه + كيس واحد كريم كاراميل حتى تتكون عندنا خلطه صفرا ..

زيني السويت بهاي الخلطه بوضع دائره صغيره في وسط السويت حتى يتكون لنا سويت بشكل البيض عيون ..

بامكانج استبدال الخليط الاصفر بجام الفروله ..

انا سويت النوعين للتغيير وطلع رووعه ..

سويت الجالكسي :

اطحني 1 بسكوت دايجستف + نص كيس بسكويت اولكر واخلطيهم مع بعض ..

على النار سيحي اشوية زبده وضيفي عليها علبة قشطه + نص علبة حليب مركز وخلطيهم عدل ..

شلي ها الخلطه وصبيها على البسكويت واخلطيهم عدل لين ماتتكون مثل العجينه ...

واذا حسيتي الخليط وايد سائل زيدي البسكويت ..

شلي ها الخلطه ورصيها في اكياس الكب كيك ..

في حمام مائي سيحي واحد كافي الجلكسي الحجم الكبير ..

خذي الكافي المذوب وصبيه على البسكويت اللي في الكب وزينيه بأي شي تحبين وحطيه في الثلاجه ..