كروسان الجبن السلام عليكم ورحمة الله وبركاته كروسان الجبن http://www.ma7room.org/up/images/yyc...gibbs3gams.gif المقادير والطريقه لصنع العجينه : فنجان قهوة سكر+ 2 ملعقة كبيرة خميره فوريه +2 كوب ماي دافي +ذرة ملح +2 كوب طحين نخلط المقادير مع بعض و نخليها 10 دقائق . بعد العشر دقائق نضيف لها نصف كوب زيت 3 أكواب طحين و تعجن و تستخدم على طول . الحشوه : حبنه مملحه + زعتر مب زعتر السندويجات زعتر مال الجبنه شرات اللي يحطونه للجاي + شوية زيت زيتون أو اي حشوه تعيبكم الطريقه : بعد ما تجهز العجينه نفردها ونقطعها بشكل مثلثات طويله ونكون قبلها مجهزين الجبنه وخالطينها مع الزعتر وشوية زيت زيتون نحط على كل مثلث ملعقه صغيره من الحشوه ونلفها بحيث نسكر الجوانب عشان لما ندخلها الفرن ما تسيح الجبنه وبعد ما نلف كل كمية العجين نرصها في صينيه مدهونه بزيت وندخلها الفرن لين تستوي جزئيا خلاف نظهر الصينيه وندهن ويه الكروسان ببياض البيض ونرد ندخلها من نشوف استوا لون الكروسان ذهبي او بني نظهر الصينيه يقدم بارد او حار حسب الرغبه بالهنا والعافيه ^_^ |
تبين الجد والله جبتيها عالجرح انا احب كروسان والحين مييييييتتتتته جوع اه بطني>>عطيني منه ووعد اسوي لك ههههه يسلموو يالغلا ننتظر جديدك تقبلي مروري |
تسلمين الغالية على الطريقة:) |
يمي يمي يوعتيني هع بالعافيه عليج الاكل هع تسلمين والله ونترقب منج كل يديد |
الساعة الآن 06:48 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir