منتدى استراحات زايد - ][ يــــا بنــــت لا تتغشـــــين .. تـــــراني هنــــــــدي ][

السلام عليكم ورحمته الله وبركاته
تغشي يابنيه هذا مواااااااااطن

افااااا يعني المواطن حرام والأجنبي حلال !!!

الموضوع صريح ويتحدث عن واقع نعيشه

وهنا بنقل لكم بعض المشــــاهد الي عايشينها

المشهد الأول ...
بنيه لا حيا ولا مستحه ترمس ويا الاجانب وتضحك ودق سوااااالف ... ومن يدخل المواطن تتغشى وتاكل تبن !!!( حلييله المواطن )
مع انهم إثنينتهم رياييل . وتغشي يا بنيه هاااااااا مواااااااااطن

المشهد الثاني ..
حرمه تظهر جدام الدريول ولا الطباااخ بملابس البيت لا شيله ولا عبايه ولاااا اي ستر بحجه انه اجنبي !!!
عادي تكلمه بدون ما تتغطى عنـه أو أي شي يكـون ساتر بينـهم ولو دق الباب مواطـــــــن قالوا
تغطــي يا بنت هااااااااا موااااااااطن ويا الفشيلــــــــــة ( شو ازراعيل قرب )

المشهد الثالث ..
بنت تطلب عشاء من أحد المطاعم وطبعا ايي عامل توصيل الطلبات تظهرله و تستقبل وتأخذ
منه الطلب مع الشكر والتقدير ولو كان مواااطن احد الاطفال راح يطلع له او البشكارة .. وتغشي يا بنت
هاااااااا مواااااااااطن

المشهد الرابع ..
مجموعه من الفتيات في أحد المجمعات أو في أي مكان يبون يسألوا عن شي صادفوا
شخص لابس جينز وقميص لو سمحت
يرد :- مرحبــــــــــــــا الســــــــــاع
اوووه آآآآسفين وتغشي يا بنيه موااااااااااااااطن
ياويلي طلع مواااااااااااطن
ليش هذاك ما كان ريال

وغيرها من المشاهد لاتــعد ولاتحصــى ..
قد يكون هذا التصرف عن غباء أو جهل إلخ .. يعني من الممكن أن تكون هذه الفتاه على
خلق ومحترمه لكن مالقت من يوجهها إن معامله الأجنبي لازم اتكون شرات ما حدد الشرع
اعذروني اخواني واخواتي هذا الواقع الذي نعيشــه .. والله مانقلت لكم المشاهد الا انا
شاهدتها بنفسي والاكثــريـه شاهدوهـــا .. !!

المشكله والله ..( هندي + فلبيني + سوري + لبناني+ مصري)عادي مولازم تغطي هذا
أجنبي ..
( مواااااااااطن ) ياويييلي فضيحـــــــــــة !!!!!!!!
وووواكيد هاالظاهره الغريبـــــــة موجود فكل الدول الخليجية

والمشهد الخامس

يتكلم عني انا ساير اشتري حليب وهاي السامان للبيت وانا ماشي وادور هاي الخرابيط الخاصه للاهل والبيت شفت وحده جدامي معطتني ظهره كانت مسكره الدرب ترييتها ولا اشوفها تسولف ويا الهندي عادي لا مستحى ولا وخلصت سوالفها وجبلت صوبي تبا تكمل دربها واشوفني في ويها ولا تفر السله الي ماسكتنها وتتغشى وانا كانت ميت من الضحك عليها جنها شافت يني واقف جدامها وعقب خطفت عنها ولا اسمعها ترمس اختها على ما اظني وبدت تسب وتلعن هذا وهذا وهذا وهذا ......... ؟؟ شو سويت لج انا وآخر شي تغشي يا بنت هااااااااااااا مواطن

هـــا شو رايكمـ.,.
..؟؟