|
شو رايك ؟؟ السلام عليكم ورحمة الله وبركاته في هذا الموضوع حبيت اشاركم بمشكلة لم اعرررف ما هوو سببها او الهدف من احداثها الدراميه فشاركوني ارائكم وخبراتكم في خضم الحياه المشكلـــــــــــــــــــــــــــــــــــــة هو ان حالف اخي بان تزوج زوجه لا تقدر جهوده و اصراره على التعب والسهر من اجل توفير الحياه الكريمه لها بل تجازيه بالهجران و الشكوى والتنفرمنه وهذه الشكو قد تعدت اهلها حتى اصبحت لم تبالي اصبحت اسرار اخي وخبايا منزله و احداثنا منشوره بين الجميـــــــــع لم انعلم ما هو المقصود او كيف نتعامل مع الموووقف ارجوو منكم اضافة الحلووول لنا ولهااا |
عليكم السلام ورحمة اللهـ المشكلهـ الي طرحتيها وايد تصير في هالوقت الريال لاهي بشغلهـ عسب يوفر حياة كريمهـ لحرمتهـ وعيالهـ ف المقابل الحرمهـ تضيج وتزعل بسبب بعدهـ عنها .. شوفي الحل موجود بس لازم يصير تنازل من الطرفين الريال لازم يهتم في زوجته طول الوقت ان كان قريب او بعيد يرمسها وينشد عن حالها ومايخلي الشغل يبعدهـ عنها لو كان بجسمهـ بعيد بس عقله وروحهـ وياهم ف البيت شوه تبي الحرمهـ من ريلها غير كلمهـ حلوه واهتمام مايكفي انهـ يوفر كل شي وينسى أهم شي الي هو وجوده امبينهم .. والحرمهـ الي تعتبر الزواج رباط مقدس هب لعبهـ أكيد بتصبر على ريلها وبتقنع نفسها انه يسوى كل هاا بس عشانها وعشان عيالهم .. وبعد ماتخبر حد عن مشاكلها وخصوصياتها لا هلها ولا ربيعاتها محــد بينفعها ف هالدنيا غيرهـ هو السند وهو العز .. بس في بنات مايعرفن الأصول عادي تسير لأي حد وتفضفض وتقول كل شي عن حياتها وعن ريلها .. تسلم يمناج يالشيخة ع الطرح ولاعدمناج بينا يعطيج الف عافية وزوووود وعساج ع القوة تقبلي مرور أختج سلمى ولج التحية والشكر |
مرحبا اختيه مشكلة اخوج وااااااااايد بهالزمن..الله يهدي الحريم اللي شرات جيه....شوفي اختيه قد تكون المشكلة من الطرفين ...انه اخوج لاهي عن بيته من باب انه يوفر الحياة الكريمة للآسرته...ولكن هاااه غلط ربي يسلج.....من واجبه انه يهتم بحرمتة وبيته...صح انه هو يشتغل ويتعب ويسهر عشاااااااااان الحياة اللي بيوفرها لهم....بس تراه حرمتى لها حق من هاااه الشغل ...لازم يهتم فيها ...ويسمعها الكلمة الطيبه اللي تجبر بخاطرها....وانتي عليج ترشدين اخوج لهالامور...مرات الريايل يا اختيه ما يعرفون يتصرفون كيف ويا البنات والحريم...فانتي بما انج بنت لازم تنصحينه انه يهتم من حرمتة..ويخليها من اولوياته... ثاني شيء....... الحرمة تراه لازم تصبر على ريلها بالخير والشر...وهي المفروض لو شو ما كان....ما تنشر اسرارها واسرار ريلها من بين الناس.....هي بهالشيء تأخذ آثم من رب العالمين.......ان شالله لو كان ريلها اخس انسان بالدنيا لازم ترضى بنصيبها....وتعرف كيف تتعامل مع هالشخص.....لازم تعرف انه كل انسان بالدنيا له مدخل ...عشان نكسبة...فهي بشطارتها ...لازم تعرف ريلها شو يبا منها.......هب لانه ما اهتم فيها...سارت تفضحه بين الناااس...تراه هذا ريلج....سترج وغطااااااااج.....وهو ما يسوي جيه إلا لانه يبا يعيشها بأحسن عيشه..... شوفي يأختيه......انتي لازم تكونين طرف خير للطرفين...قعدي مع اخوج...كلمية ...قوليليه هالحرمة يمكن لها عذرها عشان هو ما يهتم فيها...وانه الشغل هب كل شيء بالدنيا تراه بيته له حق من هالاهتمام اللي مركزنه على شغله وبس....حتى وان حاول يقولج...انا هذا كله اسويه عشااانها...قوليله...محد قال غير جيه...بس هيه لازم تحسسها بالامان والحب والاهتمام.....الحرمة تحب تسمع الكلمة الطيبه من ريلها.... وسيري ورمسي حرمة أخوج...قوليلها انه الحرمة تصبر على ريلها...وما تقعد تتشال وياه بالرمسة....لازم تتحمل وتتنازل عن بعض الامور...بحكم انه ريال البيت...وانه هالشغل اللي ليل نهار عشااانها....قوليلها انه تحاول تكسب ريلها بالاهتمام والكلام الحلووو....وانه شو ماكان بينهم ما اطلع اسرارهم لبرع البيت حتى لأهلها...والله يا اختيه البنت اللي تعرف الواجب والسنع.....ما تسير وتقول حق اهلها تراه سو وفعل وترك...واطلع اسراره...اولاً تتعامل ويا مشكلتها بالكتمان...وتحكم عقلها باللي هيه تسويه.....وتستهلك كل الطرق عشااان تحل المشاكل اللي بينها وبين ريلها...ذيج الساااعه اذا ما قدرت تتعامل ويا الوضع اللي هيه فيه......تلجأ لأهلها....ولكن ما اطلع اسرارهم هذا رايي ربي يسلمج وان شالله تنحل الامور وتبشرينا السموووووووووووحه |
وعليج السلام ورحمة الله وبركاتة اختي انصحج بالإتصال على برنامج ( لون حياتك ) مع الدكتور احمد عبدالعزيز النجار برنامج كل (سبت ) الساعه 5.30 او 6 مساء يبتدي على سما دبي وهو مباشر دائما http://www4.0zz0.com/2008/06/09/11/902776668.jpg هو اللي بيفيدج من بعد رب العالمين باذن الله حاولت اكتب حلول بس انا هب اختصاصي وماعندي خبره ، لأن الخبره لدى اهل الخبره والله يوفجكم ويسهل الأمور عليكم اخوكم / النعيمي |
وعليكم السلام ورحمة الله وبركاته أؤيد اخوي النعيمي برايه بصراحه من امس وانا اقرا الموضوع ماعرفت وش الحلول اللي احطها بالضبط.. الله يصلح الحال وان شاء الله ينفعكم هالبرنامج \ \ \ آخوتس الخالــدي |
| الساعة الآن 02:11 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir