|
زواج البــدو والحضر والعكس ...؟؟ عبارات .. سيطرت على مجتماعتنا العربية والخليجيه .. لن أتكلم عن موضوع التفاخر بالأحساب والأنساب والتعصب القبلي وما إلى ذلك ..* سؤالي هو: .. نلاحظ أن (( أغلب )) العائلات .. تمانع منعاً باتاً زواج ابنهم أو ابنتهم من .. الفخذ الفلاني أو العلاني .. لدرجه أن أول سؤال يُسأل عنه الشاب المتقدم للزواج هو (( من أي قبيله .. فخذ .. بطن ..الخ )) .. وباتت مسألة دين الشاب .. من أواخر الاهتمامات ..* ((والغريب انه لو يتزوج اجنبيه من جنسيه اخرى فالموضوع طبيعي جدا"))شيء عجييييييييب أعزائي -- لو أنت (( حضري \ حضريه )) تتزوج (( بدوي \ بدويه )) .. عادي ؟؟ لو أنت (( بدوي \ بدويه )) تتزوج (( حضري \ حضريه )) .. عادي ..؟؟ لو أنت (( قبيلي \ قبيليه )) تتزوج (( خضيري \ خضيريه )) .. عادي ؟؟ اذا كانت الإجابة سلبية .. إذن أنت ممن يؤيدون مقولة (( كل واحد ياخذ من بذره )) .. محافظة على الأنساب من الاختلاط .. أم لك وجهة نظر أخرى .. عامل وحافز آخر أقوى .. يدعوك إلى الرفض ..؟؟ واذا كانت الإجابة .. إيجابية .. إذن أنت ممن يضع قول ذو الجلاله (( إن أكرمكم عند الله أتقاكم )) .. نصب عينيك .. وتضع أمر الفوارق القبليه في آخر مستويات اهتمامك ..؟؟ أتمنى الإجابة الصريحة من كل عضو .. فنحن نعلم ماهو المفروض .. لكن لانعلم مافي النفوس ..* اتمنى التفااااااعل الجااد من الأعضـــــــاء الكرااااام ارجوا من الجميع عدم الخروج عن الموضوع .. .... .. |
بـــ صرآحة أنـــِـِـِـآ فنــظري .. آختلآف آلقبآئل شيء مآ يستحق آلذكــــِـِـِـِـر .. أهم شي آلأخلآق و آلمذهب آلسنع .. و آلشخصية آلتي تتحمل آلمسؤولية .. ولكن بعدهم آلنــِـِـِـآس مسيطر عليهم آلمثل آللي يقوؤل : " حلــآت آلثوب رقعته منه و فيـــِـِـِـه " .. مآ بـآليد حيلــــة !! ... تسلم أخوي على فتحك لبــــِـِـِـآب آلنقآش فهآلموضوع آلمهم ... وفجك ربي ...~ |
وردة الغلا تسلميين على مروورج وعلى وجهة النظر .. |
السلام عليكم ورحمة الله وبركاته مرحبـآبك خيوو قـآل سبحـآنه وتعـآلى : " وجعلناكم شعوبا وقبائل لتعارفوا إن اكرمكم عند الله اتقاكم " آنـآ لآآ آوآفق هـآلعبـآرآت وآعـآرضهـآ .. ليش آلقبيلي آو آلبدوي آو آلحضري من شو يشكي دآمه مسلم وذو آخلآق وآدب .؟ هذآ يعتبر تخلف من آلآهل وبعدين حرآم آذآ تقدم شـآب لخطوبه بنت وآهلهـآ عسروآ خطوبتهـآ ويكون هـآلسبب ..! ليش يقطعون نصيب آلبنت وعلى شي تـآفهه .؟ هذآ كله من قله آلخبره في آلآسلآم وآلجهل آلآسلآمي يمكن تكون مصطلحـآت آلي آنـآ آقولهـآ قويه نوعـآ مـآ .. ولكن هذه آلحقيقه ... آنـآ آشوف مجتمعـآتنـآ آلعربيه فيهـآ نوع من آلجهل آلآسلآمي يعني آي وآحد بيي بيحرم وبيحلل على كيفه ---> مثـآل .. وهـآلشي آلي موصلهم لهـآلحـآل آن شـآء آلله وصلت آلمعلومه ^.^ يعطيـــك آلعـآفيه خيوو .. لاعدمنــــــــآك ...~ |
انا وياكم فهالموضوووع ... صدق حرام يتوقف نصيب البنت ع ولد عمها ولا ولد عمتها و فالنهايه يقول انا مابا من الأهل ترى هااي استوت وتستوي بعد ... و الأهل بعدهم " مصرين على زواج الأهل " الله يعينااااااااااااااا بس ... و الحمدلله على كل الحاااااااااااااااااااااااال !! !! !! |
" السلام عليكم ورحمة الله وبركاته الحقيقه جذبني الموضوع لمآ فيه من اهميهـ.. في جمله وآيد اسمعها الصرآحه وخصه من الشيآب واللي هي (( الريآل ما يعيبه الا جيبه )) اوكي حلوو جيبه.. وعقب يوم بغوآ يطولون ف السالفهـ يقولوله وين تشتغل وكم معآشكـ ابوك اسمه الكآمل وش؟؟ انتوآ من اشمن فخيذه ؟؟ شوووو الفخيذه الفلانيه لا نحن ما ننآسب هالقوم؟؟ الوآحد يوم بغى الستر لبنيه لا ييلس يطفرر بالريآل ويخليه خييير شررر مآ يعرس.. الوآحد هالايام يشتري الريآل اللي والنعم فيه هب بس في قبيلته صح ان القبيله لها هيبه بس هب في كل شي..؟ وشو الفررق بين الحضر والبدوو ههههه << ازمه على فكره.. انآ الصرآحه ابدن هب مع التفرقه العنصريه اللي خصه كبآر السن محطيينهآ ف رووسهم ويعلمون عيآلهم عليهآ عز الله نحن عرسنآ خخخخخخخ سلمت خويه ع الطرح الطيب يعطيك الف عافيه نترقب اليديد..~ |
هلآ فيكَ خييَ .. موضوعَ جدآ حسسآسَ ~ وجدآ صعبَ .. " المهم اختيار من يصلح للمصاهرة لدينه وخلقه ، فإذا حصل هذا فهو الذي ينبغي سواء كان عربيا أو عجميا أو مولى أو خضيريا أو غير ذلك ، هذا هو الأساس ، وإذا رغب بعض الناس أن لا يزوج إلا من قبيلته فلا نعلم حرجا في ذلك . والله ولي التوفيق" سَماحة الشيخُ / عبدَ العَزيز بن عَبد الله بَن بَاز رحمهَ اللهَ ونفعنآ بعلمهَ هذآ رآيَ آلدينُ ~ آمآ رآييَ آنآ بجآوبَ عليكَ منُ آلوآقعَ حوليَ .. البدويَ عندنآ = قبيليَ هذآ اللي آعرفهَ ~ وبمآ آنيَ عآيششهَ بمجتمعَ قبيليَ بحتُ يفرض عليَ عآدآتُ وتقآليدَ .. مآيسسمحَ بمثلَ هذيَ آلآشيآءَ ( يمكنُ يكونُ زوآجَ القبيليَ بغيرَ قبيليهَ شي مبآحَ بشيَ بسيطَ آمآ آلعكس فلآ )~ فـِ عششآن كيذ1 مآ آظنُ آهليَ بيوآفقونُ عَ زوآجيَ من شخصَ مو قبيليَ او مهمآ آختلفتُ مسميآتهَ حتىَ لو آنآ رضيتُ ~ صرنآ بآلفترهَ آلآخيرهَ نسمعَ عن طلآقآتُ كثيرهَ سببهآ ( عدمَ تكآفؤ النسب ) ،، يعنيَ حتى آلنآسسَ آلحينُ صآرتُ تخآفُ يصيرَ لبنآتهآ مثلُ هآلنوعيهَ من آلطلآقآتُ دآمهَ مجآز بآلمحآكمَ ~ وهَذآ آلشيَ حآصصلَ وكثيرَ بعدَ ،، حتىَ آلبعضُ يخآفُ من نظرة آلنآسسَ لهَ .. ( فلآنُ زوجَ بنتهَ شخصَ مو قبيليَ آكيدَ عشآنُ يسترَ ع شيَ فيهآ ) لذلكَ يبعدوونُ عنَ الشرَ آفضلَ لهمَ .. عمومآ هذيَ وجهة نظريَ .. يمكنُ مآتعجبَ البعضُ .. بس مثل مآقلتُ فيَ البدآيهَ آنآ آتكلمَ منُ وآقعَ المجتمعَ حوليَ ’ وشيَ آكيدَ آختلآفُ آلآرآءَ لآيفسسدَ للودَ قضيهَ ~ لكَ تقييميَ ،’ لآهنتُ ~ |
السلام عليكم ورحمة الله وبركاته موضوع مميز ،، ويستحق النقاش.. أنا نظرتي ل هالشيء إيجابيـة بس لـو دققت فالموضــوع شوي أنت ايجــابي بس فوقك أهــلك وزواج بدون موافقتهــم ما يصيــر يــا ما حيروا بنات لأعيال عمهــن لــكن بالنهــايه شـــوف اللي يصيــر آخر شي بيستسمح منهم ما بياخذها او بياخذها وبعدين بيطلقها.. أمـــا من وجهــة نــظري ابــتعد عــن القريب واتـــقرب من الــغريب عنــدنا ناس وايــد متـ ع ــلمين بــس ماخذين عادات أأأأهلهم ،، حتــى العــلم ما نفــع وياهــم... أتمنى أني وضحت وجهــة نظري من هالموضوع تسلم يدينك أأخـــــ ذياب الكتبي ــــوي عــ ــلى الطــرح لا هنـــــــــت ولــك منــي اح ــــلى تقـييــم |
تسلم اخوي على طرحك للموضوع وانا اوافق اختي نهاية الحلم * وبلفعل ذا الي يصير حولنا اما من ناحية قبيلي يبي يتزوج وحده قبيليهـ بس مومن قبيلته او العكس نو بربلم لان ذا الي حاصل في مجتمعنا الحبيب ومن اهل قبيلتي با الاخص حتى لو كان من الخليج بس يكون او تكون قبيلي او قبيليهـ وانا لا اتحدث من فراغ لان ذا الي صاير عندنا وشكر كـ اخوي مرهـ اخرى |
بدوية وحظرية بدوي وحضري عربي وهندي...الخ .. شو هاااي الرمسة ..!!! تعال معااي أخووي ذيااب ونقاش الموضوع بكل جدية وشفافية وراح أتكلم بكل صراحة.. أولاً راح أضع نسبة مئوية تمت دراستها وأخذ نتائجها من الشباب الخليجي يعني خلني أتكلم عن الشباب الخليجي وما راح أوسع دائرة الكلام.. عندما أجرت «فواصل» استفتاءً حول «البدوية والحضرية» ومن تفوز بقلب الرجل الخليجي، ومن الأفضل للزواج، كانت نسبة اختيار الرجال للبدوية 55%، والحضرية 45%.. يعني من اللي حصل على نسبة أكبر البدوية...!! وهذا السؤال طرح على مجموعة من الشبااب الخليجي..!! نكمل يا أخوي ذياب وتم طرح نفس الأسئلة على البنات .. نسبة كبيرة منهم يفضلن الزواج من الحضر انزين ليش ..!! راح أضع بعض الأسباب اللي خلت الحضري هو المميز عن الفتيات ..!! وأكييييد راح تضحكوووووووووووون عليهن ..نشوووف الأسباب التي جعلت الحضري وهو سوبر ستار والنجم العالمي..! فلانه قالت:لا شك أن الحضري فاهم الحياة الزوجية ومسؤولية بيته صح ويعرف كيف يربي أبناءه، ويعرف قيمة زوجته أما البدوي فهو إنسان انفرادي غير مختلط بمجتمعه الذي يعيش فيه، فالحياة معه حياة صعبة قائمة على اختلاف فكري وثقافي.. وفلانه أخرى: أفضل الحضري لأنه متعلم، وفاهم أمور الحياة أكثر من البدوي وخصوصاً في تربية الأطفال فالحضري موظف، متعلم، مُساعد لزوجته في مسؤولية بيته بوعي أكثر من البدوي وفلانه أخرى:أفضل الزواج من حضري لأنه مثقف ومتفهم للحياة.. ويستمع لآرائي التي أطرحها عليه، أما البدوي فيمتاز بعدة صفات أهمها القسوة في التعامل، وعدم فهمه لمعنى الحياة وشوف هاذي شو قالت:أفضل الحضري لأنه يعطيني أكثر من البدوي من حيث الحب والتعامل وتربية الأطفال بشكل حضاري وسليم وسوف يفهمني أكثر. وأخرى قالت:أفضل الزواج بالحضري لأنه وبكل بساطة مقدر لمعنى الحياة الزوجية ولمعنى كلمة «امرأة» أما البدوي فهو إنسان لا يهمه إلا نفسه، لا يُقدر ولا يحترم ولا يعز هذه المرأة التي ارتبطت به. عزوة وسند..! وهاذي قالت:أفضل الزواج من حضري لأنه رومانسي، ومنظم ولايحب العزايم وأهله «برستيج». راح أكتفي بهذه الآراء فقط .. (( راح أضع النسبة وبكل أمانه ومصداقية وبدون تلاعب النسبة تم دراستها ولست أرقام تضعها أختكم روحي بدوية.. 60@ يفضلن الحضري و30% يفضلن البدوي..10% لا فرق عندهن بدوي أو حضري)) يعني 10 % هم اللي فاهمين الحياة صح وعارفين انه لا فرق بين البدوي والحضري.. وكلنا شفنا أن أغلب البنات يفكرون بالطريقة نفسها حاطين في بالهم أن الحضري هو الإنسان المتعلم الفاهم لأمور الحياة والذي سوف يقدر الحياة الزوجية والرومنسية.. ولكن أسفة أقولهاا تفكير عبيط وسخيف وهذا يدل على صغر عقولنا وتفكيرنا البسيط والمحدود..!! وأغلبهن شوهن صورة البدوي وحياة البدواة وأنهم ناس متخلفين يجهلون الرومنسية ويجهلون أسس وقواعد التربية والأصول والتفاااهم..!! أنا لا أدافع عن البدوي ولست من الذين ينحازون للحضر أنا مع صاحب الخلق والدين من جائكم من ترضوه خلقاً ودين فزوجوه وآخر سؤال المفروض يسأل على الشاب أنت من أي قبيلة وأنت بدوي أو حضري .. وصلنا القرن 21 ولكن التفكير محدود ومقيد ندعي بالتطور والتحضر ولكن العقول فارغة من التتطور والتحضر والتفكير الصحيح ..!! راح أكتفي أخوي ذياب الكتبي بهذا القدر من الكتابة وراح تكون لي رجعة ثانية .. لأني لن أكتفي بهذا القدر بس لأني تعبت من الكتابة .. أشكرك على سردك لهذه القضية المهمة و الحساسة عند البعض.. ويعطيك 1000 عافية.. وأسمحلي على الإطالة و التفلسف .. أختك الفقيرة إلى الله .. روحي بدوية.. |
يعااطيك العاافيه على المووضووع.. وانا في نظري انا الزواااج نصيب.. |
تسلم اخوووي ع الطرح الرائع الصراحة قمنا نسأل عن الريال من الناحية القبيلة والمال والحسب والنسب ونسينا الدين والاخلاق لاهنت ان شاء الله^_^ يعطيك العافية ونتريا اليديد منك |
تسلمون على هذا المروور وباارك الله فيكم بس شويه شويه العقوول أن شاء الله تتطور اكثر عن جذيه وانا من النااحيه أفضل الزواج من الغريبه يعني لا قبيله ولا أهم شي الدين بدرجه الأولى |
هههههههههههههههههههههههههههههه |
اقتباس:
شووه الساالفه ليش هذي الضحكه..؟ الحمد لله على العقل |
رجعت يا أخووي مرة ثاانية مثل ما وعدتك لأن المووضوع مهم بالنسبة لي .. واشكرك مرة ثاانية على الطرح المميز وتستاهل التقييم.. بس تعليقي على ولد العين شو سالفة الضحكة ..!! إذا الموضوع لا يعني لك من الأهمية فلا بد من الإكتفاء بالنظر وعدم الرد وإذا عندك تعليق بحيث يستفيد منه ممن هم حواليك فأنا أول وحدة راح تشجعك وتشكرك على إبداء رائك لأن كل منا يعيش في بيئة وعنده من الخبرات ما تكفيه وزياده فليش نبخل عليهم بالنصيحه والكلمة الطيبة وإعتبرهاا صدقة... أنتظر منك ياولد العين رد على المووضوع وتعطينا شويه من خبراتك ومعلوماتك التي في جعبتك .. وتعليقي على المووووضوع:::: قال الرسول الكريم (من اتاكم من ترضون دينه وخلقه زوجوه) فالهدف من الزواج الستر للطرفين أحسن من أن تعم القضايا الأخلاقة في مجتمعنا ونتشر بحيث يصعب السيطرة على مثل هذه القضايا فمن جائكم من ترضوه خلقاً وديناً فزوجوه وغضوا النظر على الأشياء الكماليه مثل الحسب والنسب وين عايش وين شهر العسل وانت متعقد وانت بدوي وأنت متعلم ...و..و..!! وياأخواني لو تمينا نفكر بالبدوي والحضري وبنتي لازم تاخذ ولد قبيلة وعائلة ونسب وغني ترى في المقابل راح تكوون المشااكل أكثر يا إخواني الزواج له أهمية كبيرة في حياتنا فلا بد من كل شخص قادر على الزواج أن يعف نفسه ... فنحن نرى في الوقت الحالي الكثير من الشباب عازفون عن الزواج وأيضاً نرى زيادة كبيرة في العنوسة ولا ندري السبب لكل هذا... فبالله عليكم لماذا لا يعف الشاب أو الرجل الذي يجري وراء الشهوات نفسه عن ما به من نزوات شيطانية ويلجأ للزواج وكذلك الفتاة فأين نحن من وصايا الرسول الكريم بالزواج ؟؟؟ حيث قال عليه السلام : ( من إستطاع منكم الباءة فليتزوج ومن لم يستطع فعليه بالصوم فإنه وجاء ) صدق رسول الله صلى الله عليه وسلم. ولا تنسوا أن الزواج هب صفقة تجارية الزواج مسؤولية وستر للطرفين فغضوا الطرف عن بعض الأشياء الدنيوية والكمالية وأنظروا للموضوع بعين الإهتماام لأنها بالفعل قضية ولا بد من التحرر من هذه الأفكار التي سيطرت علينا.. تسلم أخوي ذيااب الكتبي على الطرح المميز.. ولك كل الشكر والتقدير من أختك الفقيرة إلى الله.. روحي بدوية.. |
ابصراحه اخويه موضووعك وايد لفتني في الغالب نشووف ان العادات في بعض العوايل وايد مسيطره عليهم من اجدادهم لاابناأهم بحكم البنت لولد عمها وكثير مانسمع هالشي ولاكن للأسف شوو كانت النتايج .. معرووفه الرسوول قال لافرق بين اعجمي وعربي الا بالدين والتقوا لاكن هالشي قليل مانراه موجوود عدنا وخاصه عدنا حنا هل بوظبي وضواحيها ان من جهتي مايفرق عنديه ان كانه حضري او ابدوي دامه انسان متعلم ومتثقف ويعرف ربه اهم شي لاكن احنا النا وجهة نظر لاكن للاسف محصوره لانه الكلمه الاساسيه هم الاهل |
مشكوريين اخواني اخواتي على المروور كل شي ان شاء الله بيتغير مع السنين والتطور الاحسن بأذن الله |
مافي فرق بين الـ حضري ولا الـ بدوي كلهم وآآآحد وكلهم رياييل بس المهم انه اخلاقه اتكون اوكيه والكل يمدح فيه ومب شرط اصله وفصله واسأل هوشو فصله و مدري اشوو ليش انا باخذ الريال ولا باخذ اصله .. ولا تحرمينا من هـ الابداع .. والسموحه .. |
السلام عليكم ورحمة الله وبركاته اووبس انا لو رممسسسست اخـإأإأف و الله النص يززعل -_- ف اكتفي بالنظر للردوود اللي سبقتني |
تسلم خويه ع الطرح والسموحه ع الضحكه بس كنت ابى اكتبها فموضوع ثاني وكتبتها بالغلط فهالموضوع وانا من وجهه نظري ان الاهل لهم دور كبير في اختيار الزوجه حسب العادات اما مساله حضريه اوبدويه فاالبعض يخاف من اكتساب الابناء لبعض العادات التي تعتبر خاطئه حسب راى البدو او الحضر وانا بالنسبه لي مايهم اذا كانت حضريه اوبدويه المهم انها تكون من الصالحات وتقبل مروري |
السلام عليكــم ورحمة الله .. موضــوع شدنــي .. ويستحق المنــاقشــه .. لافرق بين عربــي ولا عجمـي الا بالتقوى والعمــــــل الصــــــالــح .. يعني ماشي فرق الا بالعمل الصالح والاخلاق .. لكن مجتمعنا مجتمع متخلف واسمحوليه على هالكلمه بس صدق وهذا واقع .. وبعد العنصريه متواجده فيــه .. انا مابغي اظهر خاارج اطاار الموضوع واحدر في مواضيع ثانيه تخص العنصريه .. بس اذا هاي نظرة المجتمع فالبدايه ..!! المهم.. إذا جاءكم من ترضون خلقه ودينه فزوجوه .. انا من وجهة نظريـه أهم شي تتوافر شرووط الزواج يعني الريال يوم بيخطب يدور الحرمة الصالحه اللي تبني اسرتها بدينها .. تنكح ...المرأة لمالها وجمالها وحسبها ودينها هب شرط تتوافر كل الشروووط .. لا البعض يشوف كذيه .. المشكلــه .. نظرتهم كيف .. بنت عمك اولى و ولد عمج هو اللي بيصونج عن الغيــر .. وقلبه عليج اكثــر وماينخاف منه وللاسف اكثر حالات الطلاق اللي ماخذين من الاهل ..!!! المهم انا رايي مافرقت بدويه ولا حضريه .. الكــل سواسيه الامهم دينها و اخلاقها .. ومشكووووووور على الموضووووووع الطيب .. |
مشكوووووووووووووووووووور |
x . . موضوع كثيرر حلووو وآنا عن نفسي مايهمني كل هذا ~ آذا عآجبني محد يوقف بوجهي حتى آهلي مرح يقولون شي لآنهم يدورون على مصلحتي وسعآدتي والي بيسمع كلآآم النآآس مررح يعيش ابدآ آنا مآضيعنا غير كلآآم النآآس الي لايقدم ولا يآخر يعطيك العآفيه ’’ تسلملي هالديآت .. ماننحرم^^ |
تسلمون اخواني واخواتي وكل وااحد له وجة نظر والتوفيق للجميع |
هلاااااااااااااا هب شرط كل واحد ياخذ من قبيلته بس المشكله اباهتنااا ما يرضون اللي من القبيله عيب ----------------الخ انا عن نفسي احس ماشي فرق لاابد من حضري غير روماانسي والبدوي يكون رومانسي والعكس في الشين والزين هب كلهم شرات بعض اهم شي فالريال اخلاقه يصلي ويعرف ربه بعدين نتوكل ع الله مشكوووووووووووووووووووووووووووووووووووووووووووووور |
| الساعة الآن 05:07 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir