|
لا وظيفه دون شهادة خبره . . ! السلام عليكم ورحمة الله وبركاته . . * مثل ما تشوفون موضوعي عن شهادة الخبره ! كون ان عمري صغير مايمنع اني اناقش هالموضوع . .!!! هل يعقل ان لاتوجد وظائف بدون شهادة خبره ؟؟ يعني شهادة الخبره من وين بييبوها من دون وظيفه ؟ ياني اخويه يقولي شوفيلي لو حد من الاهل يقدر يطلع لي شهادة خبره ؟؟ قلت له طيب انته الحين متخرج واكيد بتحصل شغل بدون هالشهاده ! قالي لا الحين الاولويه للي عندهم خبره واي مكان اروح اقدم يطلبو مني شهادة خبره سؤالي !! اذا الواحد الحين متخرج ويبا وظيفه واغلب الوظائف تطلب شهادة خبره والاولويه للي عندهم خبره ! من وين بييبون لهم الخبره وهم مب محصلين وظائف !!!! |
هو متخرج ثانويه ولا جامعه ؟؟؟؟؟ لو جيي خله يطلب من الجامعه او يسير دوره اقصد معهد وياخذ شهاده خبره وطبعا اكيد هالشي مهم عسب يعرفوون هوو زين فاللغه والكمبيوتر ووغيره الدنيآآ ف تطوور والعلم مطلوووووووووووووووب بس مستغرب يعني معقووله مسوين جي ف اخووج غريبه يعني صرااحه الله يوفقه ان شاء الله |
مرحبا سلامن عليكم.. شحالكم.. الصراحه الموضوع وايد مهم .. انا توه مداومه يعني موظفه يديده.. صح هالكلام موجود .. يوم كنا نقدم بالثانويه قالو وين الشهاده محد يبى ثانويه بدون خبره ... يبنا لهم الباجلر ونفس الكلام .. والاغلبيه لي عندهم خبره وثانويه مايقبلونهم عسب ماشي شهاده جامعيه واللي عندهم شهاده جامعيه مايقبلونهم لان ماعندهم خبره ..وهم فكل الحالتين مايبون يوظفون وبس خخ بس للعلم مجلس ابوظبي للتوطين فتح مجال تاخذ خبره اعتقد براتب بسيط وبعد ماتخلص هالكمن شهر وهم يطورون فيك يدورون وياك دوامات .. حاولو تدخلون الموقع مال التوطين يوميا تقريبا وترشحون ع الوضايف الموجوده.. الصراحه انا من بديت ارشح تقريبا 20% من اللي رشحت فيهم ردو علي .. وسويت مقابلات بس كله انرفض والحمدالله الحينه توضفت .. والشباب مجالهم اكبر عن البنات مثال لما تي تقدم ع شاغر تشوف ان طلب الشباب للشاغر ها قليل .. لما يكون الشاغر للجنسين يكون طلب البنات للشاغر وااايد واحيانا يتعدى المطلوب ويسكرون الشاغر .. فالنهايه قدمو فالمجلس وانتو موب خسرانين ... واذا كانت الشروط متوافقه مع الشاغر عطول بيتصلون بكم حتى لو بعد اسبوعين شهر بس لاكيد يتصلون وحتى لو كانو يبون يشلونك من الشاغر لان في نقص فالمتطلبات يخبرونك يتصلون يقولون لكم ان نحن بنشلكم لان موب متوافقه مع الشروط او يتصلون يستفسرون اكثرررر .. التوطين لها عيوب قليله حاليا يعني ان شاء الله في امل منهم شدو الهمه بس وان احتيتو شي انا فالخدمممه تيتون |
| الساعة الآن 01:03 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir