|
معلم لدينا يعرض سيارته الجمس من أجل التخلي عن المنافسة لإدارة المدرسة ( تخيـلوا !!! ) السلام عليكم ورحمة الله وبركاته الموضوع هذا للراكدين للناضجين العاقلين المـــحـــترمين :icon30: محتاج عقل كبير عشان يفهم ومو بس يفهم عشان ينجح في إصلاح الأطراف القصة وما فيها يالربع ان مديرنا قرر يتخلى عن المدرسة اللي هو فيها السنة القادمة طبعا هو مدير يقدر يقعد لو بغى بحكم المعدل 98 بحقه ههههههه يعني يقدر يكمل او يروح حسب ما يبي المهم طلب من مركز الإشراف التربوي اللي بجنوب الرياض او كما يسمى بمكتب التربية والتعليم بجنوب الرياض ان ينقل من المدرسة وحسب ما عرفنا انه قرر يروح لمدرسة اهلية المهم يالربع افطروا المعلمين بالفسحة الاولى وجت الحصة الثالثة اللي حان وقت فطوري انا وفطور الوكلاء والمرشد وكم معلم فاضي المهم أحد هالمعلمين من تخصص "مألوف بالسعودية جداً" قال ان المدير بيروح وناوي يمسك إدارة المدرسة طبعا هالمعلم معروف عند المركز بحكم أخلاقه ومركزه الوظيفي وبالذات الدرجات العالية اللي بمركزه . وكيل المدرسة اعترض قال المدير رشحني اكون مكانه المعلم تغيرت ملامح وجهه الى احباط او شي من هالقبيل وجالس يناظره وهو في صمت ثم تكلم قال وشلون يرشحك وانا مكلمه قبل المهم راحو لمكتب المدير وصلني الخبر بعدها بيومين ان المدير قال انه قرر يفكر لين يستخير الله ويقرر يحط بمكانه . المهم ومرت الايام والمدير لا زال يفكر صار هالمعلم والوكيل اعداء حتى بشؤون الطلاب صار المعلم ما يعطي للوكيل المترشح اي طالب مشاغب واذا فيه طالب مشاغب المعلم يحاسبه أو يرسله للمرشد أو وكيل ثاني غير الوكيل المترشح لإدارة المدرسة وفي الطابور الصباحي شفت الوكيل المترشح على نياته وانا واقف أمرّن الطلاب يمسك بيد المدير وياخذه لصف آخر اللي بالطابور جا المعلم اللي يبي الإدارة ووقف جنب المدير مع ان المعلم هذا المفروض يوقف جنب فصله كونه رائد عليهم بس بعد عن فصله بمسافات طويلة وصار جنب المدير وعموما ً تونا ندري ان هالمعلم اللي كان يعظنا وينصحنا وخصوصا ً لما يكون فيه صلوات الاستسقاء في المدرسة يتحول من رجل فاضل محترم يتمنى الخير لأخيه إلـــى رجل حاسد ومبغض وحقد وتعاملات تجعل الوكيل المترشح ان يتنازل عن طلبه للإدارة ما تصدقون لو قلت لكم ان الوكيل فعل هالشي ان يترك الترشيح لكن المدير حلف عليه ان يستمر ولا عليه من احد والمدير صراحة محترم ونظامي وحقاني بنفس الوقت ويعز المعلم والوكيل لكن المدير الظاهر عنده خطه او شي من هالقبيل دام ما حط اجتماع سري بينه وبين الوكيل والمعلم للصلح وانهاء الخلاف . عشان كذا بالله عليكم يالربع حبيت اسألكم معقوله في عقليات كذا؟؟ عشان مسكة الإدارة تحصل خلاف بهالطريقة؟ مع ان الوكيل والله محترم وللأسف ماعاد صار مبتسم وطريف كعادته بل صار حزين ومتضايق للي صار بينه وبين المعلم نسأل الله العون والعافية وأطلب "الكبار أصحاب العقليات الرجولية الكبيرة" رأيهم بهذا الخصوص ولو حتى بمشورة قد يطلبون مني بالتدخل من أجل ذلك لأني بصراحة امون على المعلم والوكيل فوق ماتتصورون تحــــــيتي |
| الساعة الآن 03:56 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir