المسلسلات و العنصر النسائي
 

السلام عليكم و رحمة الله و بركاته

أنا عضوة من زمااان مسجلة عندكم بس كنت خلف الكواليس

و اليوم حبيت أكون جدامها و أشارككم بأول مواضيعي ^^


.......................................


في الآونة الأخيرة كثرت المسلسلات اللي تحوي العنصر النسائي

من بنات جامعه او ثانوية ملحق بنات .... الخ


بصراحة انا كنت من متابعي المسلسلات لأنه يكون فيها شي هادف أو مشهد يؤثر فيني أو مشهد يغير رايي بشي معين


لكن !!


أغلب المسلسلات الحالية مالها هدف غير الفتن

أو

يمكن لها هدف لكن اللي مخرب فيها هو كثرة العنصر النسائي فيها
و اللي يخليه فقط للجذب و عدم الاهتمام بــ مغزى القصة


هو ماعرف الصراحة إذا كنت أبالغ في ردة فعلي .. بس جد جد قامت تلوع جبدي من المسلسلات الحالية لأنه فيها مبالغة خصوصا من ناحية اللبس


مثال مسلسل (ملحق بنات)
هل هذا المسلسل يمثل المجتمع السعودي؟؟


أوك تستوي سوالف الحب و المغازل و ما شابه هذا في كل مكان

بس من ناحية اللبس..البنت السعودية يوم تروح الجامعة تلبس جينز أو تنورة و بكامل زينتها و بدون عباة؟؟؟

كاتب المسلسل هنا عطانا فكرة غلط عن البنت السعودية

.................


أتريا آراءكم في كلامي .. أنتظر تعليقاتكم و انتقاداتكم .. أنا من محبي النقاش و المجادلة لكن بأسلوب راقي ^^


ملاحظة: موضوعي ليس فقط عن مسلسل ملحق بنات..النقاش مفتوح لــ كافة المسلسلات اللي تحوي عملية الترويج للنساء


و دمتم بخير

عليكم السلام ورحمه الله وبركاته

صبــــاح الخير اختي ..

كــــلامج سليم من ناحية غياب الهدف والقصة المقنعه من مسلسلاتنا هالايام ..

اما بالنسبة للعنصر النسائي : في بعض المسلسلات قد تجدين التنافس بين الممثلات في الاغراء ولأسباب مختلفة .. ومنها :

1 . الحصول على ادوار في مسلسلات قادمه ( عاده ما تقوم بها الممثلات المبتدأت او الممثلات ذوات المستوى الضعيف فتتجه للجراه )
2 . منافسه ممثله اخرى متفوقه عليها في الاداء ، فتحاول ان تتفوق في الاغراء والدلع
3 . لأنه وللأسف بعض القنوات والمنتجين يرغبون في بيع وتسويق مسلسلاتهم والربح من خلال الدلع والاغراء .

اما بالنسبه لمسلسل ملحق بنات .. مثل ما تفضلتي انه موضوع المغازل والحب يصير في اي مكان وبالاضافه إلى البهارات والخيال الي يصاحب اي موضوع واي نص مكتوب فبتشوفين اشياء غير عن الواقع عشان النص يكون متكامل ومنطقي بعض الشيء ..

يعني .. من غير الممكن انه يوصل لج فكره انه فتاه تغازل وتسوي اشياء عجيبه غريبه وتكون لابسه عباه راس او نقاب .. للأسف لازم يصور البنت بلبس جميل ومغري عشان المسلسل يلاقي مشاهدين في وقت العرض ..

اتمنى اشوف العنصر النسائي الخليجي ، لأنها بتوصل صوره الفتاه الخليجيه بشكل قريب للواقع .. وراح تغار على سمعه مجتمعها الخليجي ..
اما الممثلات الغير خليجيات ومع احترامي .. لن تفكر في المجتمع الخليجي عندما تجسد دور فتاه خليجيه ..

اتمنى اني كتبت شيء مفيد وغير سلبي ..

واشكرج على هالموضوع الطيب .. وتقبلي مروري والسموحه على الاطاله ..

المسلسلات هي اساس الدمار ف المجتمع
ثانكس ع الطرط