Help me الســــــــــلام عليكم ورحمة الله وبركاته في البداية أتمنى إنكم تتفهمون موقفي... إحم... إحم... أنا ابصراحة أبي أكون غير في شهر الخير (رمضـــــان) كل شيئ نويت أسويه لصالحي و عندي نية ف هالشئ بس رمضان هذا غير لأني ....................... أحب واحد و أرمسه و ما أقدر أبتعد عنه ... حاولوا تفهموني ... إذا ما كلمته يوم واحد أموت من القهر و الحزن.. عطونـــــي حل أقدر أسويه عشان ما أرمسه ف رمضان أبي صيامي يكون صالح ما فيه أي شوائب و عيوب.. ساعدوني ... أنا مب ن النوع اللي أقتنع بسرعة ... فحاولوا تقنعوني.. و إن شاء الله بيكون اللي بتسوونه في ميزان حسناتكم.. |
أختيه تحبين واحد أكيد بعدج في فتره المراهقه والكل مره فيها وتجاوزها وهل أهلج يعرفون هاي العلاقه وإلا بالخش والدس قلتي رمضان وليش الإشهر الثانيه نحن مب محاسبين عليها رمضان طاعة وعبادة والأشهر الثانيه بعد كل الأشهر محاسبين عليها في ملائكه تسجل أعمالج والمستور بجي يوم وبنفضح وإلي تحبينه هو بعد يحبج وإلا يبغي يلعب وإلا يتسلى وإلا شو السالفه بضبط يحبج يخطبج وإلا شو يتريا بضبط البنت وأنا أبوج مالها غير سمعتها حاولي تحافظين عليها ولا تكونين رخصيه في نظر الغير ولا تستمرين بالغلط وبيج يوم وتندمين ندم والله أعلم نصيحه واحتفظي فيها طال الزمن أو قصر مثل هاعلاقات تكون نهايتها وخيمه ضياع سمعتج وتقطعين نصيب خواتج هم شو ذنبهم حاولي تقطعين علاقتج فيه هذا يسمونه باللغه العربيه فراغ عاطفي الله يستر عليج أختيه ويحفظج ويبعدج عن الحرام كلامج أحزني كثير أنتي أختي في الأسلام وما أرضى لج بسوء الله يهديج يارب ويردج للصواب |
وعليكم السلام والرحمه شوفي اختي بصراحه هذي علاقه مارح تطول يعني رح تنتهي .. انتبهي لانها غيرشرعيه وحكمها بالشرع لا يجوز سواء كان في رمضان ولا غيره بالاول اقتنعي بانك مجرد انك تكلمين هالشخص اكبر غلط ومثل ما تعلقتي فيه مثل ما تقولين تقدرين تتخلين عنه .. وتاكدي ان ان فوقك ربك يحاسبك على كل شيء برمضان وغير رمضان.. واللي مستغربه منك جرئتك بطرح الموضوع .. قبل ما تطلبين المساعده من احد انتي ساعدي نفسك بالتخلي عن هالشخص نهائيا . والله رح يعوضك خير منه شرعا .. هذا مجرد نصيحه من اخت لاختها لا اكثر |
..!! ما أعرف شو أقولج والله .. حاولي تسوين الي يرضي ربج .. { من كان مع الله .. كان الله معـه ~ قال ابن القيم "رحمه الله" : إذا أصبح العبد وأمسى وليس له همّ إلا الله وحده , تحمَّل الله سبحانه حوائجه كلها , وحمل عنه كل ما أهمّه , وفرغ قلبه لمحبته , ولسانه لذكره , وجوارحه لطاعته . وإن أصبح وأمسى والدنيا همّه, حمله الله همومها وغمومها وأنكادها ووكله إلى نفسه , فشغل قلبه عن محبته بمحبة الخلق , ولسانه عن ذكره بذكرهم , وجوارحه عن طاعته بخدمتهم و أشغالهم , فهو يكدح كدح الوحش في خدمة غيره , كالكير ينفخ بطنه ويعصر أضلاعه في نفع غيره . أتمنى تكـونين فهمتي مغزى الحديث .. و ربي يهديج و يبعدج عن الزلات و المعاصي .. اختـج .. { غـ ل ـآ قـ ل ـبي ~ |
ماتخافيــن تمــوتيـــن وانتي تكلميـــنه ؟! جهاد النفس اعظم جهاد ،، حاولي مع نفسج كثير وخلي شهر رمضان فرصة .. انج تحطين نهاية لهلعلاقة والله يوفقج ويهدي الجميـع |
تكفين ابتعدي عنه انا مابي منج شي .... انا شخسرااان بس تكفين وتكفين وتكفين ابتعدي عنه لأنه مستحيل تستمر العلاقه في سااابع المستحيلات لأنه انا بصراااحه مأكلم بناات ولأفكر بعد بس ربعي الي يكلمون اقول لهم بتتزوجونهم يقولون مافيه امل اقول لهم ليش يقولون شدراني انها ماتكلم غير ي >< ! --------------------------------------------------------------------- من ناحية شهر رمضااان هو عباده وليس عااااده وبعدين الشهووور الثانيه ماراح تتحاسبين عليها ؟ انا في النهايه بقول لج ثلاث كلمات تكفين ابتعدي عنه ترى انا موب خسران شي لمصلحتج يعني ^^ |
اي شهر هاللي تحسبين حســـآآآبه وانتي حـــالج كمن يقــول يـــآآربـــ ارحمني وانتي هب راحمه حـــآآآلج اختي ان الحسنه تذهب الســئه والسيئه تذهبـــ الحسنه <==افهمي هالكلام عــــدلــ اختي انا مـــآآعرف هل انتي مــآآلجـه وتكلمينه لكــــن اللي فهمـــــته انج تحرقين نفسج بنـــآآآر الاخــــره خذيهــــآآ منــــي لو هالريـــآآل يحــبج ويخــاف عليج مارآآآح ينطـــر لي بــآآجــر ويطلــــبج من اهلــــج غيـــــر جي انــآآ اسميه تدمـــير وضيــآآع لحـــيــآآآتج في رمـــضــآآآنــ ولا بغـــيره اصحـــي انتي نــآآآيمه ويــآآخوفي ماتصحين الا لوو حضـــرته اللي تسميـــنه يحبــــــج يســوي بج شي يـــدمر حيــآآتج والشرف مثلـــ المــوت لو طلعتــ روحج مستحيل ترد بجثــــتج الحياه تحيـــآآآتي لـــج اتمنى لـــج الهدآآآيه وصدقيني لو حــآآطه رضـــآآآ ربي جـــدآآآآآمـ عيونج ترتــآآآحين بالدنيا والاخـــره عجـــــب لحــآآل هالدنيا الله يدعينـــآآ للحـــلااالـــ ولايعجـــبنا الا الحــــرآآآآم اشحلااااتــــ الكــلمه اللي تطــلع منج لـــه وانتـــي في نــور ربي وحــفظه ورعــآآيته لكـــن شو نقـــولــــ ان شاللـــه ربـــي يهديـــج اخـــــتي تحيـــآآآتي لـــج |
لو بيدي جان قطعت العلاقة من ألحين من من اليوم ... بس و الله متعلقة فيه وااااااااايد ... أمس كانت لي بداية حلوووووووة أني ما اتصلت فيه ولا كلمته .. ولا طرشت له مسجات.. كـــــــــان يتصل بس أنا ما أرد ، و أمس مثل ما اتعرفون كان الإثنين فصمت (مثل ما يقولون الصيام تزكية للنفس و تدفعها بعيد عن المعاصي ) والله كلامكم أثر فيني وايد ما كنت أعرف أفتح هالموضوع ويا منو ... دموعي ما قدرت أتحكم فيها .. جزاكم الله ألف خير.. مشكورين إخواني و خواتي ع النصائح و دعواتكم لي .. الله يهديني و يهدي الجميع.. قولوا آميـــــــــــــــــــــن.. أدعولـــــــــــــــــــــــي أختكم : خيماوية كاشخة |
بدايتـــــــــــــــــي ما بتكـــــــــــــون ف رمضان إلا بتكـــــــــون من اليوم ... دعواتكم..دعواتكم..دعواتكم |
البنت وأنا أبوج مالها غير سمعتها الله يستر عليج أختيه ويحفظج ويبعدج عن الحرام كلامج أحزني كثير أنتي أختي في الأسلام وما أرضى لج بسوء ثانكس أخوي مغازلجي مسجووووووون... والله هالكلام حسسني أني أكبر من جي .. وأستاهل الأحسن |
واللي مستغربه منك جرئتك بطرح الموضوع .. قبل ما تطلبين المساعده من احد انتي ساعدي نفسك بالتخلي عن هالشخص نهائيا . والله رح يعوضك خير منه شرعا .. هذا مجرد نصيحه من اخت لاختها لا اكثر[/quote] أنا إذا كنت ما أبي أنهي هالعلاقة ما كنت طرحت هالموضوع .. أدري أنه في ناس أو (أخواني و خواتي ) يخافون علي و يبون مصلحتي و بيوقفون وياي و مشكورة أختي هوازنـ.. دعواتج.. |
اقتباس:
كل شيء أسويه يرضي ربي إلا هالشيء و بحاول قد ماأقدر أنهي هالشيء بأسرع وقت من اليوم .. وبكـــــون فخر للدين و لأمي و أبوي وللوطن.. |
اقتباس:
إن شاء الله بيكون اليوم هو نهاية للعلاقة قبل رمضان... أخاف أموت و أنا أكلمه ...والله العظيم أني أبي أموت وأنا أصلي ولا ف مكة... الله يهديني و يقوي قلبي ... |
اقتباس:
الله يهديني و يهدي الجميع ... ما بتشوفون مني إلا كل خير و طيب دعواتكم لي ... ثانكس |
بدايه حلوه .. فرحتلج يوم قلتيلي انج ما اتصلتيبه .. واصلي ع هالشي .. و لو تغيرين رقمج يكون أحسن بعد عسب ما يلعب فـ عقلج الشيطان .. ربي يحفظج ويبعدج نهائيا عن هالأشيـا .. ونحنا كلنا اخوانج وتهمنا مصلحتج و بنتم وياج لين ما تتخطين هالشي .. ^.^ |
أختيه تقولين الله يهديني الله ما بهديج مني والدرب لقول تعالى( إن الله لا يغير ما بقوم حتى يغيروا ما بأنفسهم ..) لازم تغيري نفسج بالعزم وإلاصرار عشان الله يهديج للصواب ما أدري بضبط هاي فعلا مشكلتج وإلا طرحتي ها الموضوع للفت الأنتباه والله أعلم ما في العقول أكيد عندج أخوان أولاد وتعرفين زين لو سمعوا عنج كلمه شينه شو بكون مصيرج أمكن الموت وإلا إنتي ما سمعتي بإللي ذبحوا خواتهم يوم دروا إنهم يكلمون شباب أختي في الله ترا الدنيا ما فيها أمان بالمره ما تسمعين من حواليج شو يستوي عقدي العزم من اليوم ترا الدنيا زواله اليوم فوق الأرض وباجر تحت الأرض الواحد ما يضمن عمره اليوم بعيش وإلا بموت حاولي تشغلين وقت فراغج بأشياء تفيدج وتلهيج عنه أقري قرآن لقوله تعالى ( ألا بذكر الله تطمئن القلوب ) ما تبغين الجنه والفردوس الأعلى ما تبغين يكون الله راضي عليج خيماوية ترا أمرج يهمني أنتي من راك من إمارتي والله تهميني وعيال راك معروفين زين حارين والله أي مشكله تصيري بينهم ما عندهم غير الدم وإذا ما سمعتي خبريني وأنا مستعد أقول لج شو صار و أمج ما تخافين عليها لو سمعت عنج كلمه هب زينه الله يعلم شو بستوي فيها أنا بريت ذمتي منج لين يوم القيامه بس تذكري عذاب القبر لو جاءج الموت فجأة لا إله إلا أنت سبحانك إني كنت من الظالمين أخوج في الله مغازلجي مسجون |
السلام عليكم ورحمة الله وبركاتهـ اخوي مسجون ماقصّر بردوده وكلامه عين الصواب صحيح حنا بالمنتدى اخوان واخوات بس مثل هالمواضيع برايي ماتنطرح كموضوع للنقاش وان طُرحت فيه اسلوب ثاني لطرحها، واعتقد انها تكررت وردود الناس واضحه ومعروفه عليها بصراحه ماقصروا الاخوان بالردود وياليت مشرف القسم يقفل هالموضــوع. ان شاء الله مازليت بكلامي (مجرد رأي والاختلاف لايفسد للود قضيه) الـخـالـدي |
الأخوان مغازلجي مسجون واخوية الخالدي ماشالله عليهم ماقصروا والله يهدي اليميع ( مغلق) النعيمي / مشرف استراحة الحوار والنقاش |
الساعة الآن 01:05 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir