السلام عليكم ورحمة الله وبركاته اول شي اشكرج ع الطرح الطيب ، موضوع يستحق النقآش ، ندخل فالموضوع ، بخصوص القصة الأولى [سالفة ان البنت اللي ترمس ربيعتها 4 الفير] شو عندهآ ؟ شو هالشي اللي وآيد ضروري يخليها تزخ الفون السآعه 4 ؟ ثأنيآ ، ذكرتي انها "سكرت الفوون و هي تحاااول تفسر شوو نظراات ابووها لها ؟!" بسالج سؤآل ؟ هي ليش يلست تفكر وتحآول تفسر نظرات أبوها ؟ تعرفين ليش ؟ لان في شي من صميم داخلهآ يقول ان اللي سويته غلط . كآن ممكن أبوهآ يدخل البيت ويشوفهآ بس فوقت ثآني وما يعطيهآ بنظرآت هي من صميمهآ تدري ان هي غلطآنة . بخصوص القصة الثانية ، الحينه ابي أعرف اللي ع النت أو ف المسن أهم من أبوج . ! وبعدين شو بيصير لو يلس يطالعج وانتي ترمسين فالمسن ؟ حضرتج تكرمتي وقلتي: يعني انا عندي خصووصياات و مااحب حد يدخل فيها منو ماكان .؟! و شووو معناها ها الحركه ..!؟ هذي حركة فيهآ حرص عليج ، ليش تفسرين كل شي شك ؟ لأنج مب واثقة من صميمج بتقولين لازم يكون واثق وانا تربيته ؟ احب اعطيج معلومه . التربية ما توقف لعمر معين ان شآء الله لو الولد عنده عيال يشتغلون . وتقولين : ما أحب حد يدخل ، انتي تقولين لمنو حد ؟ حق أبوج . !! هذآ ابوج وتقولين شو معنات هالحركة . ! بصرآحة انا مول ما اشوف في هالكلام أي ذرة أحترآم للأب . !! بخصوص اسئلتج : شو هو الشك ؟ الشك هو التحيّر في وقوع الشيء وعدمه، بحيث يتساوى احتمال وقوع الفعل واحتمال عدم الوقوع، من دون رجحان أحدهما على الآخر . هـــل هؤ نأأتج عن ( ألتفكير الاسود ) ..!! و لا عددم ثقه فالطرف الاخر ..؟! مافي شي اسمه تفكير أسود ومثل ما تكرم وقال الأمن الوطني هذآ مصطلح مبتذل [تحتها 66 خط] تقولين عدم الثقة ؟ بقول لا والف لا ؟ في شي اسمه حرص ، اهتمام ، متابعة للأبنآء . سؤالج الأخير : اذا كاان شكك فغير محله تقدر ترد الشي الي انكسر بينك و بين الشخص الي خنت ثقته فيييك ..!! الشك مب شي هين ، لازم اتأكد بالأول ، ومجرد الشك ينهي الثقة بين الطرفين ، ومثل ما قال الرسول عليه افضل الصلاة والسلام ان بعض الظن اثم ، الرسول قال بعض فما بالج باللي يشك ويواجه الطرف الثاني ، ويكتشف انه على خطآ . ! وأخيرآ ، لاحظت من منآقشتج ، لا ! ما بقول مناقشتج بقول ردودج لاني ما شفت مناقشة أبدآ ، شفت انج تصرين على ان الموضوع عن الثقة والأب لازم ما يشك ، ليش ما قلتي ان هذآ حرص ومتآبعه للأبن ؟ احب اقولج شي ، افتحي مجال لابوج يتدخل في خصوصياتج [ع قولتج] واللي هي اساسا تربية بحد ذاتهآ . وعادي انج ترمسين ربيعتج الفير ، على أي اسآس عادي ؟! شو يعني انت فآضية وهي فآضية !! ع العموم أشكرج مرة ثآنية ع الموضوع الطيب ، فرصة سعيدة ، اتمنى اني اقنعتج ولو بشي بسيط ، وبالتوفيج لج فالمسآبقة . |
مرحبا اختي .. من رايي انا ما اقول مب ثقـه .. بس الدنيا تخرع .. اكيد ابوي والا اخوي يوم بيسالوني منو ترمسين هالساعه بيكون من حرصهم و خوفهم علي .. بس الحركـه ابدن ابدن مب حلوه .. :54: يسلموو |
السلام عليكم ورحمة الله وبركاته طبيعي ان ابوها بيسألها تكلمين منو الساعه 4 الفير.! كل حد بيشك وبخصوص المسن والله مدري شقول بس كل حد عنده خصوصيات ولاتنسين انه ابوج ولازم يعرف تكلمين منو وشو تسوين |
اذا الشخص عارف نفسه انه مب مسوي شي غلط ف ليش الخوف من نظرات الاهل ...؟! بس بشرط انه يكون في وقت صح مب الساعه 4 الفجر في هذي الحاله اكيد الاهل بيشكون |
وعليكم السلام ورحمه الله وبركاته تسلمين اختي ع الطرح الرررااائع بخصوص المكالمه 4 الفير طبيعي نظرات للاهل وخاصتن خلت الدائرة الشك بينها وبين ابوها اما بخصوص ابوج توه ياي من الدوام وانتي تتكلمين بالمسن مع ربيعتج>>> برب شوي ابويه توي ياي من دوام بروح اسلم عليه^^ لو خمسه دقايق ع لاقل اما بالنسبه للخصوصيه لج الحق فيها لكن هم الاهل لهم الحق يخافون على عيالهم http://butterflyblue.jeeran.com/%D8%...8%AF%D9%8A.gif |
أعتقد الموضوع خذ وقته الكافي من النقاش لذلك يغلق الموضوع لكي تأخذ المواضيع الأخرى حقها وألف شكر لصاحبة الموضوع والسموحه :) |
الساعة الآن 01:15 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir