هذي ابيات كتبتها في خلال ثلاث ساعات بالجوال ولا زت فيها ولا عدلت فيها وحبيت اني اشاركم فيها
وهذي القصيدة رسلتها بالجوال لخالي على طول بعد ما كتبتها
واتمنى انكم تعلقون على القصيدة من ناحية الجوانب الشعرية والوزن
انا اهملت قافية صدر البيت والتزمت بقافية العجز
اتركم مع الابيات المتواضعة
يا بو عيسى طالبك بالأخبار الوكيدة
بالصيد الوافر والعلوم الجديدة
قم ادع شيخ الطيور ولا تاخذ بديلة
شامان سباق الذكر السلالة الفريدة
العام تشهد له الحسا بالذكر الأول
والتالية راح تدون صيدته بالجريدة
الله أخذ منه شياين وعوضه بأشياء
أخذ منه صغر العمر والعين السديدة
وعوضه الله بصقارن يوازي ميه صقار
ولحوق وجزم وشراسة وشجاعة ومكيدة
سنجار قصير الساق وسيع المناخر
عريض الكفوف طويل العاتق بمزيده
مواريه طيبه ما يقتنيها اي قرناس
وحسن طبايع وبالحباري امله رصيده
ما يهاب الجوارح مير الجوارح تهابه
ياقردها لجاع والله ليطرده ويصيده
متزين بمشالح طمول الحباري ودمها
وكل سنه يبدل مشالحه بمشالح جديدة
ماعليك من كل جاك عذرب بطيرك النادر
اعلم ان إلي ذمه خاطره فيه ويريدة
ياما حثالة كسروا سلعتك بردى السومه
وأنا خابرك ذيبن ما تطيح بالمكيده
واختامها الله الله بخوتك للنشاما
ومن يصابحك للمقناص لا تصافح ايده
سلامتك
قصيدتي
جاسم محمد الهلال
سلام عليكم