وعليكم السلام ورحمة الله وبركاتة يامرحبا بالقناص موضوعك غير مكرر يالغالي ، ولك حرية الكلام لسبب وجيه هو انك حريص على القسم وانسان نشيط يكتب ردوده بتمعُن ويثمن الآخريين ( كما لاحظت عليك ) .. بخصوص نقاط خلني ارمس عن كل نقطة وبحاول اختصر على اساس تتوضح الفكرة ... اقتباس: 1- المشرف اللي يغيب أكثر من شهر وبدون ابلاغ المشرف العام أو بدون وجود سبب مقنع يسحب عنه الاشراف الحمد الله في قسم المشرفين كل مشرف ومشرفة ملزميين بوضع اعذار للتغيب واذا ماصار لأسباب قهرية الإدارة تتريا عليه فترة معينة اذا ماغطى اشرافة بالشكل المطلوب ( سيتم اقصاؤة عن الإشراف ) اقتباس: 2- المشرف اللي يهمل القسم الخاص فيه.. نأسف ونقوله اما تحاول تنشط أو عطي غيرك فرصة الاشراف تأكد ان ادارة محروم " تحاسب " اي حد مقصر في مهامه فالإشراف تكليف قبل ان يكون تشريف في هذا المنتدى الطيب ، واذا حدث التقصير تتم محاسبته وتنبيهه وتعطي فرصة اثنين واذا ماياب فود ( يتم اقصاءة عن مهامه ) ... اقتباس: 3- من حق المشرف توجيه النقد أو تعديل الموضوع اللي يحتاج تعديل مع ذكر السبب ..وعلى العضو اللي يسجل بالمنتدى احترام راي المشرف واذا شاف أن هالشي فيه ظلم.. يوجه رساله للمشرف العام أو المدير العام يتظلم فيها انا برمس عن قسم الحوار والنقاش اللي اشرف عليه حالياً مهام التعديل والنقل والنقد موجودين وبشكل صارم لأنه شعارنا النقاش والحوار الجاد والرقي في الطرح سواء على شكل ردود نقاشية او نقدية او مواضيع نقاشية ... وفي حالة سوء التفاهم بين المشرف والعضو يتم مراسة المشرف العام او المراقب العام لحل الموضوع ووضع النقاط على الحروف .. اقتباس: 4- المشرف دوره مراقب ومنظم وخلق روح التفاعل وانعاش المنتدى .. ومو من دوره يلصق مواضيع والرد بردود سطحيه لمجرد زيادة العدد.. واذا يبي يشارك الحد الاعلى اليومي 3 مواضيع فقط لا غير وهالشي ينطبق على الاعضاء بعد.. والسبب ان كثرة المواضيع تربك المنتدى وهالشي ما يرفع المنتدى بالعكس يقتله ..لأن في مواضيع ما تاخذ حقها بالقراءه المتأنية والرد رد شافي عليها .. والسبب ان الاعضاء يبون يشاركون بكل المواضيع..والسبب الثاني .. في مشاركات لأعضاء تضيع بالزحمه ..خاصه الاعضاء الجدد اللي يشاركون بموضوع باليوم او بالكثير 3 بالاسبوع .. واذا ما لاقى الاهتمام راح ينسحب لأننا راح نرد على مشاركة العضو القديم والمعروف ونهمل الجديد في موضوع مثبت فالقسم لكي لايحذف موضوعك وضعنا بنود تحتوي تقريبا على جميع ماذكرت الحمد الله القوانين وضعناها لتنظيم القسم وعدم تعرض مشاركة العضو للحذف بدون اخطار .. 0 0 0 استفسار 1/كيف بعض المشرفين ايحصلون على الأشراف وماعندهم شي يشرفون عليه أو بمعنى آخر ماعندهم شي يأهلهم للأشراف يعني موضوع واسطة أو......................................... والله هالشي يرجع للإدارة الكريمة بس بما اني اختلط مع الإدارة بشكل دائم ماشوف انها تختار واحد من فراغ ودور المراقب العام او المشرف العام هو تتبع سير عمل المشرف اذا كان مقصر او انه يستاهل الإشراف او اوا و ...الخ . 2/ في مشرفين بس ايردون على مواضييع المشرفات ويهملون الأعضاء ماهو السبب .........نقدر انقول.......دهان سير....أو...... اعيد واقول انا علي من نفسي كمشرف ، انا احب ارد على المواضيع اللي اشوف انها تستاهل حتى لو كانت بسيطة وارد رد بسيط على حسب محتوى الموضوع اذا كان نقاشي ويباله تفصيل اما المواضيع البسيطة التي تقتصر على استفسار معين او اسئلة مغلقة تكون الردود " مختصر مفيد " اما المواضيع اللي ماتستاهل ان تتواجد في قسم الحوار والنقاش اما ان انقلها لسوالف الشباب والبنات " بما انهم فاتحين ميلس ويالسين يسولفون ويضحكون " او اغلقها اذا شفت حد تمادى على الآخريين او في كلامه ... 0 0 اخوية قناص بالنسبة للتقصير في امور الإشراف اعتقد هالشي ممكن يكون واضح لك اكثر لأنك شفت ان شي مشرفين يشجعون الأعضاء على الكتابة والنشاط والردود والتواجد وضفت شي يمكن مشرفين يجهلونه وهو مهمام المشرف في .. - نقل المواضيع - تعديل الردود والعناوين "اذا لزم الأمر " -تنبية بعض الأعضاء في اطروحاتهم سواء اسلوب الرد او اسلوب الكتابة فالمواضيع .. -تشجيع الأعضاء المميزين وغيرهم في الكتابة ودعوتهم للقسم .. ملاحظة ..ن تمنى منك اذا لاحظت تقصير او عندك ملاحظة معينه على مشرف بعينه انك تراسل الادارييين اما موضوعك الصراحة عجيب وغير مكرر 0 0 اتمنى اني افدتك في نقاط كانت مبهمه ، فإن وفقنا فمن الله و إن قصرنا فـ من أنفسنا و الشيطان اخوك / غديّر النعيمي