البارت الثاني
يوم الجمعهـ/
بيت سالم (ابو طلال) – مسقط – عمان (لمة العيلهـ)
(في المطبخ)
مها (ام الحور): هففف من هالبنات يالسات لا شغل ولا مشغلهـ واحنا اللي نجهز في هالغدا
الحور: ماماا انتو اللي تبون تجهزوون كل شي .! ولا الخدم ماليين المكان كله
مريم: لا يا بنيتي .. البنت لازم تكون هي المسؤولهـ .. ولا تعتمد ع الخدم .. وانتي ان شالله لما تاخذي محمد مابتعتمدي ع الخدم اباش تديري بيتش بنفسش
الحور "علقت" ماتعرف شو ترد فما سوت شي غير انها ابتسمت وشردت، وخلود وريم ضحكوو عليهاا..
الحور ,, آآه بيت شكبره وحديقهـ شوسعها .. مدارس خاصة ,, احسن لبس .. كل اللي ابيه موجود .. بس انت وينك ؟ يبه وحشتني ... اشتقت اقوللك هالكلمة .. يبه ارجع .. ابا اشوفك .. ابا اعق نفسي في حظنك .. ي
با ليش هديتني يتيمهـ وانت حي ؟ محمد وريم وفهد عندهم اب .. يعرفونه .. يتذكرونه .. بس انا .! يبا ليش هديتني ... يبا ليش كل ربيعاتي يرجعون البيت يبشرون ابائهم بالنتايج وانا لا .. يبا تعبت من الوحدة .. امي الله يخليها ما قصرت فيني ابدا ..
بس انت وينك ابوي .. وهي تتمشى فوسط كل هالافكار .. وصلت للصاله..
كانو طلال وماجد وراشد ومحمد يلعبون بلي ستيشن .. فريقين ..
وشجون ومريوم الصغيرة يشجعوون لوول
طلال: والله افووووووووزك واخليك تنقلع برع متفشل من رووحك
شجون: هع هع هع ماتفووووزهم الثنائي المرح لا تحااول
ماجد: هع هع فديت اختي انا تعالي كفج بس بعد ما اخلص هالشوط انتظري
محمد: عااااااششششووو طلوووووول يالله يالله بس هالجول وتخلص المباراة
مريم: تلوول فووذ انت لا تخليه يفوذك
طلال: رووح تلول انتي .. عشانج بس .. يسسسسسسسسسسسس ويبت الجوووووول
راشد: يالنصآآآآآآآآآآآآب مالعب معاك غشااش
محمد: هع هع مااافيييي لا انتو اللي خسرتو ما تعرفو تلعبو
طلال: اااااااااااااحم ولا تنسوو الديييييل
راشد و ماجد: لاااااع
محمد وطلال: ههههههههههههههههههههه
شجون: لا بجد حرام عليكم..!
راشد: اييه صح ! الحين حرام عليكم نطلع في هالوقت في عز الشمس ونييبلكم كنتاكي !
ماجد: ويعه ما بتتهنو فيه بيلصق في نص بلعوكم
الحور: و يا عباقرهـ .. شله ما تتصلو فيهم ويوصلو لين البيت
راشد وماجد: صحححححح !
طلال: لا لا ماافي الدييل يطلعو مع السايق يجيبوووه
محمد: بس .. احم .. البرنسس حور تكلمت وقالت يتصلو يالله زيد وعبيد قومو اتصلو
(وقامو راشد وماجد بسررررعه قبل لا يغيرون رايهم .. لووول)
شجون: هههههههههههه حللللللللللوة زيد وعبييييد كفك بو جااسم
محمد استنكر حركة شجون .. يعني هي كبيرة ولازم تكون متحجبة صح ان شجون تحط سكارف و وجوده وعدمه واحد بس انها تلمس رجال غريب حركة قوية
الحور كانت مستنكرة الحركة وعشان جي لفتها : شجون فديتج ماماتج كانت تسال عنج .. ليش ما تروحي تساعديها في المطبخ..
شجون: افففف ماما تعرف اني ماحب سوالف المطبخ ومادري شو .. بسير وامري لله
وراحت شجون..
محمد لف ع الصالة وشافها فضت .. شاف طلال شايل اخته مريم وطلع يلعبها في الالعاب اللي في الحوش ..
لف ع حور: حوري حبي تمينا روحنا
الحور ضحكت بس ما سوت شي ثاني
محمد: حوري حبيبتي
الحور: يا عيون حور هلا
محمد: شجون بنت خالو سالم .. ليش ما تحاولي تجلسي معاها .. تسولفي معاها
الحور: ......
محمد: شوفيها يعني .. احس لو صرتي معاها انتي وريم .. بتتغير
الحور: بصراحه ما حاولت لان شوفها شلون تصرفاتها وحركاتها ما تعيبنيه
محمد: تعيبج !! اححححلا الرمسة الاماراتية
الحور: هههههه ينط العرج لا .. انزين .. ممممم اوكي بكلمها ان شالله وبحاول اتقرب منها
محمد: فديت عمرج .. يالله قومي اكيد حطو الغدا والكنتاكي وصل .. ويحرك حواجبه
الحور: هههههه يالله قوم
----------------
يوم اليمعهـ / بيت سيف الـ.. في هزاع – العين
في الصالهـ العوده ..
العائلات الثلاث.. سيف وامه شيخة وبنته ملاك .. عذيجة اخت سيف وياها ريلها وعيالها... واخته نورة وريلها وعيالها
مثل العادة .. كل يمعة تتيمع هالعيلة .. تحت ظل امهم العودة الله يخليها لهم ..
سيف و ابو حمد و ابو ناصر و حمد .. حريم اخواته يالسين ويا بعض وكل سوالفهم عن الشركات والمناقصات والاسهم والعقار يعني باختصار شغل في شغل ..!
وشيخة و بنتها عذيجة و نورة يالسين مع بعض .. وسوالفهم علانة تزوجت و علتانة تطلقت وهذيج ربت .. اما البنات .. ملاك وسلامة و روضة و وياهم شموس و سارة مرت حمد اللي ملت من سوالف الحريم يالسين يسولفون سوالف عادية ,,
اما عند الشباب .. ناصر و مصعب و حامد و منصور يالسين يلعبون اونو وصريخهم واصل لاخر الدنيا
منصور: نصوووووووور ماالعب معاااك والله قبل شوي كروووتك كانو فوق السبعة شلون صارو ثلااث
ناصر: وليييييييه ابوي منصور تتوهم انت مريض يبالك نظاره
مصعب: هههههههههههههه منصور انا اشك فيك انت .. كنه في تحتك كمن كرت
منصور: اناا !! ويييعه شوف (ويقوم من مكانه) وينصدم هااااااااا ! من وييين هذيل يو!
حامد: هاااااااااا جكيييتك يالنصااب
منصور: والله مو مااللييي مال نااصر هذا يحطهم تحتي
ناصر: احم .. انا بقوم اكل يعت بصراحه
مصعب: ابو الشلخ توك متغدي !
ناصر: ااااااااااا اقصد عطشان
ويركض بس مايروم يكمل مشي الا و سفرته انشدت وطارت من على راسه.. ونزل شعره الطويل على وجهه
روضة على طول لفت عليه وابتسمت ابتسامة واسعة وتمت في خاطرها تسمي عليه وعلى جماله بالذات لما نزلت خصلات شعره الاسود على ويهه
ناصر قام يضحك و يبا يتكلم بس مب قادر
ناصر: ههههههههههههه والله ههههههههههههههههه منصور ههههههههههههههههههههههههههههههههههه
منصور: ويعة يدي ضحكت بليا ضروووووووووووووووس قول امين
ناصر: هههههههههههههههههههههههههههههههه لا حرام
هههههههههههههههههههههههههههههههههه
منصور وهو ماسك شعر ناصر الطويل : قووول اسف يالغشااش ولا بلعن خيرك احييينه
ناصر: ههههههههههههههههههههههههههههه سير ههههههههههههه انا هههههه اعتذرلك
روضة: منصوووووووري حبيبي شفيك ماسكنه جي .. خليه وحليله
منصور لف على اخته وطالعها بنظرة .. "كلام قديم .. روضة لناصر وناصر لروضة .. لانهم يوم كانو صغار كانو متعلقين ببعض .. فالاهل صارو يقولون انهم لبعض .. وكبرو وهالفكرة في راسهم.. "
منصور هد ناصر
وهذاك وقف وتم يعدل في نفسه .. عقب ابتسم ابتسامة كرست و لف على منصور وحب خشمه: فديت عمرك ولد خالوتي اخر مرة اخش كروتي عندك المرة الياية عند حموووووود هههههههههههههههههههههههه
روضة: هههههههههههههههههههههههههههههههههههههههههههه
منصور: لف عليهم و بحركة سريعة كفخهم على روسهم ولف ورجع
لف ناصر على روضة ونقعو ضحككك وااااااااكركركركر خخخخخخ
شيخة: و ويعة انت وياها ضحكتو من سركم بلا
روضة: يدوه شو يعني !!
شيخة: تيددت عصا على ظهرج انتي وياه شله واقفة وياه تتضاحكين
حميد (ابو روضة): عمتي شتبين فيهم .. البنية و يا خطيبها مافيها شي ويغمز حق رواضي اللي وجهها ولع احمر
ناصر: احمم لف عليها هلا بخطيبتها
روضة انقهرت وحمرت وفجت الريل شررررررررده عند البنيات
عذيجة: هههههه وياحليله الحيا .. يالله نصور شد حيلك وخلص اليامعة و تاخذ روضة على طول
ناصر: وييين يمة خليني استمتع في شبابي ويرن موبايله ابتسم ابتسامة واااااااااسعة وعلى طول استاذن
روضة غصت وضاقت عليها الدنيا ..! اكيد يكلم وحدة من خايساته .. شقايل يقوم جي ! واستاذنت هي بعد على اساس بتقوم تشرب ماي
روضة تتمشى وسارت لين المطبخ لفت على الدريشة اللي كانت مفتوحة وسمعته
ناصر: هههههههههه يا حياتي انتي
روضة ضاقت بها الدنيا وما عادت تشوف شي غير دموعها .. روضة حساسة موت .. وكلمة تخليها تصيح ,, وطلعت وهي تركض بسرعة وركضت للطابق الثاني غرفة ملاك..
ملاك: روضة يينا نزقرج تعالي بنلعب .. روضة ليش تصيحين
سلامة: رواض حبيبتي شفيج
لكن روضة تخطتهم وهي تركض بسرعة للطابق الثاني
ملاك وسلامي لحقوها بسرعة.. ع الدري
ملاك : احساسي مليون بالمية نصور له علاقة
سلامة: ما يبالها تفكير منو غيره ملعوز البنية
..... طق طق ....
ملاك: رواضي حبيبي فجي الباب نبا ندش
روضة بوسط صياحها: خلووني برووحي
سلامة : ملوك هاي مينونة اخاف تسوي شي في روحها
ملاك: انتظري المفتاح السبير في الكبت اللي في الممر بسير اييبه
سلامة: اوكي
ويابت ملاك المفتاح وفتحت الباب
ملاك وسلامة دخلو بسرعة الغرفة رواضي كانت ع السرير تصيح وشعرها منثور على اكتافها
ولامة نفسها بطريقة تكسر الخاطر
ملاك: حبيبتي رواضي لا تصيحين .. الا هو نصور
روضة: اهئ اهئ خلوني في حالي اهئ مابي شي اهئ اهئ روحو عني
سلامة حظنتها بالقو وخلتها تصيح في حظنها .. وهي تقول: الله يسامحك يا ناصر .. الله يسامحك..
----
وبجي انتهى البارت الثاني
ظنكم ...
شو السر اللي مخبيه سالم عن اخته مها؟؟؟
ناصر وروضة شو بيستوي عليهم؟ هل بيتوب ناصر وبينصلح حاله؟؟
فهد .. بيستمر على غرورهـ ؟ وهل محمد بيقدر يوقفه عند حده قبل لا ينحرف اكثر؟
الحور وريم .. هل بيتدخلون في حياة شجون؟ وهل بتصير بنت طبيعية حالها حال الكل؟؟
العيلتين .. شو علاقتهم في بعض .؟
ترقبو الأجوبهـ في الجزء الثالث