انا بقولكم احلى موقف صار في حيااااتي وصدق موتني من الضحك.. في الويكند =الاجازه كانو يايين هلنا من قطر فقررنا انه نحن نوديهم العين ((المبزره)) وطبعا كنا مجهزين لهاليوم وين بنسير ويين بنيي وكل شي .. بس المواااقف الي صارتلنا ما خلتنا مسوي مخططاتنا.. اسمعو السالفه قمنا اليوم الثاني الي بنسير فيه العين وركبنا السياره وكنا نحن فووووق الثماان بنااات ومعانا امااايه العيوووز ((الله يخلييها لي)) وخالاتي .. وطبعا ونااااسه فالسياره اغاااني واستهباااال وعبط .. المهم ..وصلنا المبزره نقعنا ريوووولنا فالماااي الحاااار .. الحين بيبتدي الاكشن بنت خالووو كانت تبى تعبر وتييني وقلنالها لا تيينا في طحالب تزحلق تحت قالت لااااااا انا ما بطيييح تتحرى عمرها سبايدر مان خخخخ مادري شدخل المهم يت تبى تعبر وتطييييييح هايييييييج الطييييييحه الي ما بعدها طييييحه جداااام العااالم والناااااس والله متنا عليها من الضحك هههههههههههههههه والمصيبه انها عقب ما طاحت وتخيست ماي وحاااااار بعد سارت يلست على الرمل عاااد تخيلو المنظر ماي ورمل ((حفله والله حفله )) مسكييينه بنت خالو عقب الي استوالها تمت فالسياره تنظف عباااتها ونحن نلعب فوووق اليبل وهي متحسره على عمرها بس انا الوفيه كنت بين فتره وفتره اطل عليييها .. عقب الي صااار تخيلو سرنا العين مووول وبنت خالوووو المسكينه تقول غطوني غطوني عباااتي وصخه اخاااف يطنزون عليه ونحن مسوينلهااا اكبر طااااف بس فالنهايه رضت بالامر الواااقع وبس هاليوووم كان احلى يووم عندي واتمنى انه السالفه الي طرحتها تعيبكم مثل ما عيبتني امممم ابى العضو الي بعديه يكون ورد جوري يفوع وجناته